| e-texts navigator |
| Wylie |
188a1 ཞེས་བྱ་བ།། སྤྲོས་པས་རིན་པོ་ཆེ་རུ་བཤད།། གཟི་བརྗིད་ཅེས་བྱ་ཉི་མ་ཡིན།། སྒྲེང་བས་ཏོག་ཏུ་བཤད་པ་སྟེ།། རྣམ་པར་འབྱེད་པས་བཞད་པར་བཤད།། འདོད་ཆགས་དག།
188a2 པ་པདྨ་ཡིན།། ཉོན་མོངས་དགྲ་བཅོམ་རལ་གྲི་སྟེ།། དཀྱིལ་འཁོར་སྦྱོར་བས་འཁོར་ལོ་ཡིན།། གང་གིས་བརྗོད་པས་སྨྲ་བར་བཤད།། ཀུན་ཉིད་སྣ་ཚོགས་རྡོ་རྗེ་ཡིན།། གཞིག་དཀའི་སྦྱོར་བ་གོ་ཆ་ཡིན།།
188a3 འཇིགས་པའི་སྤྱོད་པས་མཆེ་བ་སྟེ།། ཕྱག་རྒྱའི་སྦྱོར་ཉིད་བཅིང་བ་ཡིན།། དཀྱིལ་འཁོར་དུ་ནི་གང་བཤད་པ།། ཡིད་ཀྱི་དཀྱིལ་འཁོར་དམ་པ་ཡིན།། གཞལ་ཡས་ཁང་ནི་ཡེ་ཤེས་ཏེ།། སེམས་ཀྱི་བརྩེགས
188a4 པ་སྒྲེང་བ་ཡིན།། ཕྱི་ཡི་གྲུ་བཞི་པ་གང་ཡིན།། ཚད་ཀྱིས་མཉམ་པ་ཉིད་གྱུར་པ།། བྱམས་པ་ལ་སོགས་སེམས་གང་ཡིན།། ཐིག་བཞི་ཞེས་ནི་བཤད་པ་ཡིན།། ཆོས་ཀྱི་སྦྱོར་བ་རྗེས་དྲན་ཉིད།། གང་དེ་དོ།།
188a5 ཇེ་ཐིག་ཏུ་བཤད།། ལྟ་བ་ཀུན་ལས་རྣམ་གྲོལ་བ།། ཡེ་ཤེས་ཐིག་ཏུ་བཤད་པ་ཡིན།། ཚུལ་ཁྲིམས་ཚེགས་ཀྱི་དམ་པ་ནི།། གང་ཞིག་རྒྱན་དུ་བཤད་པ་ཡིན།། དང་དབང་ལ་སོགས་སེམས་གང་ཡིན།། 8
188a6 བ་ལྔར་ནི་ཡང་དག་བྱུང་།། རྣམ་པར་ཐར་པ་བཞི་པོ་ནི།། སྒོ་རྣམས་སུ་ནི་ཡང་དག་བཤད།། ཡང་དག་སྤོང་བ་བཞི་པོ་ནི།། རྟ་བབས་རྣམས་དང་ཀ་བར་བྱུང་།། དྲན་པ་ཉེར་གཞག་བཞི་པོ་ནི།། ཁྱམས
188a7 རྣམས་བཞི་པོར་ཤེས་པར་བྱ།། རྫུ་འཕྲུལ་རྐང་པ་བཞི་པོ་ནི།། དེ་ནི་སྒོ་ཁྱུད་རྣམ་བཞི་ཡིན།། བྱང་ཆུབ་ཡན་ལག་བདུན་པོ་ནི།། འཕྲེང་བ་མེ་ཏོག་ཆུན་བརྒྱན་པ།། འཕགས་ལམ་ཡན་ལག་བརྒྱད་པོ་ནི།།
iiif viewer powered by OpenSeadragon
