| e-texts navigator |
| Wylie |
187b1 ཤེས་པར་བྱ།། ཕ་རོལ་ཕྱིན་པའི་དགེ་བ་ནི།། སྦྱོར་བའི་ཐབས་སུ་རབ་བསྟན་པ།། རྡོ་རྗེ་ལས་མར་ཤེས་པར་བྱ།། གང་ཕྱིར་དེ་ནི་རོལ་པ་དགེ། སྒེག་མོ་སྦྱིན་པའི་ཕ་རོལ་ཕྱིན།། ཚུལ་ཁྲིམས་ཕ་རོལ་ཕྱིན
187b2 དགེ་བས།། བརྒྱན་པའི་ཡན་ལག་ཡིད་འོང་ཡིན།། གླུ་མ་བཟོད་པའི་ཕ་རོལ་ཕྱིན།། ཆེད་དུ་བརྗོད་པའི་ཆོས་བརྗོད་པའོ།། གར་མ་བརྩོན་འགྲུས་ཕ་རོལ་ཕྱིན།། མྱུར་དུ་སངས་རྒྱས་ཉིད་སྟེར་བའོ།།
187b3 བདུག་པ་ཤེས་རབ་ཕ་རོལ་ཕྱིན།། ཀུན་ཏུ་ཁྱབ་པར་སྤྲོས་ཕྱིར་རོ།། མེ་ཏོག་བསམ་གཏན་ཕ་རོལ་ཕྱིན།། འདོད་པའི་འདམ་གྱིས་མ་གོས་པའོ།། མར་མེ་སྨོན་ལམ་ཕ་རོལ་ཕྱིན།། ཕྱོགས་ཀུན་སྣང་བར
187b4 བྱེད་པ་ཡིན།། དྲི་ནི་ཐབས་ཀྱི་ཕ་རོལ་ཕྱིན།། དྲི་ངན་ཐུར་སེལ་དགེ་བ་ཡིན།། སངས་རྒྱས་ཀུན་གྱི་ཐབས་ཆེན་པོ།། དབྱེ་བ་རྣམ་པ་བཞི་ཡིས་གནས།། ཐམས་ཅད་འདོད་པའི་ཐབས་ཆེན་པོ།། རྡོ་རྗེ
187b5 ལྕགས་ཀྱུ་ཞེས་བཤད་དོ།། བྱང་ཆུབ་སྤྱད་པ་སྤྱོད་བྱེད་པ།། རྡོ་རྗེ་ཞགས་པ་ཞེས་བཤད་དོ།། ཐེག་པ་འདི་ལ་བརྟེན་གྱུར་གང་།། རྡོ་རྗེ་ལྕགས་སྒྲོག་ཅེས་བཤད་དོ།། ཆོས་རྣམས་ཐམས་ཅད་མ་སྐྱེས
187b6 ཤིང་། གདོད་ནས་ནི་བ་མཁའ་དང་མཉམ།། དེ་ལྟའི་ཚིག་ནི་རབ་འཇུག་པས།། རྡོ་རྗེ་དྲིལ་བུ་ཞེས་བཤད་དོ།། ཚོགས་གཉིས་ཀྱི་ནི་སྦྱོར་བ་ཡིས།། སེམས་ཅན་ཀུན་གྱི་དོན་སྟོན་པའི།། སེམས་ནི་རང
187b7 བཞིན་གྱིས་འོད་གསལ།། ཟླ་བའི་དཀྱིལ་འཁོར་ཡིན་པར་བཤད།། ཡང་དག་རྡོ་རྗེ་རྟོགས་པ་སྟེ།། འཛིན་པའི་སྦྱོར་ཉིང་ལྕགས་ཀྱུ་ཡིན།། ཕྲ་བར་འབིགས་པ་མདའ་ཞེས་བྱ།། དགྱེས་པའི་ལེགས་སོ།།
iiif viewer powered by OpenSeadragon
