| e-texts navigator |
| Wylie |
186b1 ཆགས་བྱེད་པས།། མཉེས་པར་བྱེད་པ་ཞེས་བཤད་དོ།། བདུད་ཀྱི་སྦྱོར་བ་ཆགས་པ་ཆེ།། རྡོ་རྗེ་ཆགས་པར་དེ་བཤད་དོ།། སངས་རྒྱས་ཐམས་ཅད་མཉེས་བྱེད་ཅིང་།། ལེགས་སོ་ཞེས་པ་རབ་སོགས་པ།
186b2 བྱང་ཆུབ་སེམས་དཔའ་དགའ་བྱེད་པས།། རྡོ་རྗེ་ལེགས་པར་དེ་བཤད་དོ།། བྱང་ཆུབ་སེམས་དཔའི་སྦྱིན་པ་གང་།། མཁའ་མཉམ་རྡོ་རྗེ་ལས་བྱུང་བ།། དོན་ཡོད་རིན་ཆེན་ཆེན་པོ་དེ།། རྡོ་རྗེ་རིན་ཆེན་དེ
186b3 བཤད་དོ།། མ་རིག་བྲལ་བའི་ཡེ་ཤེས་ནི།། ཚོགས་དག་ལས་ནི་ངེས་པར་བྱུང་།། ཐར་པའི་སྣང་བ་ག་བི་བརྗིད་ཆེ།། རྡོ་རྗེ་ཉི་མར་དེ་བཤད་དོ།། རྣམ་པ་ཀུན་གྱི་དངོས་ཡེ་ཤེས།། ཐར་པའི་ལམ་འ
186b4 ཐོབ་མཛད་གང་།། ཆོས་ཀྱི་རྒྱལ་མཚན་ཏོག་ཆེན་པོ།། རྡོ་རྗེ་དཔལ་དུ་དེ་བཤད་དོ།། རྡོ་རྗེ་བཞད་པ་རྣལ་འབྱོར་ཆེ།། སངས་རྒྱས་ཀུན་འབྱུང་རྨད་བྱུང་བ།། འདི་ནི་བྱང་ཆུབ་སེམས་དཔའ་ཆེ།། རྡོརྗེ
186b5 བཞད་པར་དེ་བཤད་དོ།། སངས་རྒྱས་ཀུན་གྱི་རྣལ་འབྱོར་ཆེ།། སངས་རྒྱས་ཆོས་ནི་རྟོགས་མཛད་པ།། དེ་བཞིན་གཤེགས་པའི་ཆོས་དག་པ།། རྡོ་རྗེ་ཆོས་སུ་དེ་བཤད་དོ།། ཤེས་རབ་རྣོན་པོ་ཐེག
186b6 པ་ཆེད་ན་ཉོན་མོངས་ཐམས་ཅད་ངེས་གཅོད་མཛད།། ཤེས་བྱའི་སྒྲིབ་པ་གཅོད་པ་པོ།། རྡོ་རྗེ་རྣོན་པོར་དེ་བཤད་དོ།། སངས་རྒྱས་རོལ་མོའི་འཁོར་ལོ་ནི།། ཆོས་ཀྱི་འཁོར་ལོ་རབ་སྐོར་བས།། སེམས
186b7 དཔའ་ཆེན་པོ་ཐེག་པ་ཆེ།། རྡོ་རྗེ་རྒྱུ་ཞེས་དེ་བཤད་དེ།། ཤེས་རབ་ཡེ་ཤེས་རང་བཞིན་དག། གསུང་གི་སྒྲ་ནི་རྣམ་པར་སྤངས།། འཇམ་པའི་གསུང་གི་བདག་ཉིད་གྱུར།། རྡོ་རྗེ་སྨྲ་བར་དེ་བཤད་དོ།།
iiif viewer powered by OpenSeadragon
