| e-texts navigator |
| Wylie |
186a1 བྱུང་བ།། རྡོ་རྗེ་ཡེ་ཤེས་ཞེས་བྱ་བ་ཤད།། ཆོས་བདག་མེད་ལས་ཡང་དག་བྱུང་།། གཉིས་མེད་ཡེ་ཤེས་དམ་པ་སྟེ།། ཆོས་ཉིད་མཆོག་གི་ཡེ་ཤེས་ནི།། ཆོས་ཀྱི་དབྱིངས་ཞེས
186a2 ཡང་དག་བཤད།། འདི་ནི་ཆོས་དབྱིངས་ཡེ་ཤེས་ཏེ།། རྡོ་རྗེ་ལྟ་བུའི་ཏིང་འཛིན་སྐྱེས།། རྡོ་རྗེ་ཡེ་ཤེས་རང་བཞིན་སེམས།། རྡོ་རྗེ་དབྱིངས་ཞེས་བྱ་བར་བཤད།། སེམས་ཀྱི་སྤྲོ་བའི་སྦྱོར་བ་ཡིས།།
186a3 ཕྲ་མོའི་ཡེ་ཤེས་སོགས་སྦྱོར་བ།། དེ་བཞིན་གཤེགས་ཀུན་ཡེ་ཤེས་ནི།། རྣམ་པར་སྣང་མཛད་ཅེས་བྱར་བཤད།། བྱམས་པ་སྤྲོ་བར་སྦྱོར་བ་ཡིས།། སྦྱོར་བ་སྤྱོད་པར་བྱེད་པའི་མཆོག། ཟག་མེད
186a4 བརྟན་པར་གྱུར་པ་ཡིས།། ཐུགས་ནི་མི་བསྐྱོད་པ་ཞེས་བཤད།། ཐུགས་རྗེ་སྤྲོ་བའི་ཚུལ་གྱིས་ནི།། སེམས་ཅན་ཕན་འདོགས་མཛད་པ་པོ།། ཐུགས་ནི་འགྲོ་དོན་ཡང་དག་ལྡན།། རིན་ཆེན་འབྱུང་ལྡན
186a5 ཞེས་བ་ཤད་དོ།། དགའ་བས་སྤྲོ་བའི་སྦྱོར་བ་ཡིས།། ཐེག་ཆེན་མཆོག་ནི་དྲི་མ་མེད་།། ཐུགས་ནི་འོད་གསལ་དག་པ་ནི།། འོད་དཔག་མེད་ཅེས་དེ་བཤད་དོ།། བཏང་སྙོམས་སྤྲོ་བར་མཛད་པའི་ཤུགས།།
186a6 སེམས་ཅན་ཐམས་ཅད་རྟོགས་མཛད་པ།། དོན་ཡོད་བླ་མེད་བྱ་བ་ནི།། དོན་ཡོད་གྲུབ་པར་དེ་བཤད་དོ།། བྱང་ཆུབ་རང་བཞིན་ཡེ་ཤེས་མཆོག། དེ་འདིར་རྡོ་རྗེ་ཞེས་བཞད་དེ།། རྡོ་རྗེ་ཡེ་ཤེས་ལས་བྱུང་བ།།
186a7 རྡོ་རྗེ་སེམས་དཔའ་དེ་བཤད་དོ།། སངས་རྒྱས་ཐམས་ཅད་སྤྱན་འདྲེན་པ།། རྡོ་རྗེ་ལྕགས་ཀྱུ་ཞེས་བཤད་དེ།། རྡོ་རྗེའི་རིགས་རྣམས་ཀུན་གྱི་རྒྱལ།། རྡོ་རྗེ་རྒྱལ་པོར་དེ་བཤད་དོ།། སངས་རྒྱས་ཐམས་ཅད
iiif viewer powered by OpenSeadragon
