| e-texts navigator |
| Wylie |
184a1 གི་དཀྱིལ་འཁོར་གཞུ་ཡི་དབྱིབས།། ནག་པོའི་གདུག་པའི་ལས་རྣམས་ལ།། འབྱུང་བ་ཆེའི་བདག་ལས་གྲུབ་པ།། ལས་ཀྱི་དངོས་གྲུབ་ཡོན་ཏན་བ་ནི།། ལས་ཀྱི་དངོས་གྲུབ
184a2 དངོས་གྲུབ་མཆོག། འཁོར་ལོས་སྒྱུར་བ་རྣམ་པ་བཞི།། ཞི་བ་ལ་ནི་སྤུན་གྱི་ཚུལ།། རྒྱས་པ་པདྨའི་རྡོ་རྗེ་ཅན།། དབང་ལ་རྣམ་པར་སྣང་མཛད་གནས།། རྡོ་རྗེ་ཁྲོ་བོ་མངོན་སྤྱོད་ལའོ།། ཞི་བ་དགོངས་ཀ།
184a3 བྱ་བ་ཡིན།། དེ་བཞིན་རྒྱས་པ་སྔ་དྲལ།། གདུག་པའི་ལས་རྣམས་ཉི་མའི་གུང་།། དབང་གི་ལས་ནི་མཚན་ཕྱེད་བྱ།། ཞི་ལ་དཀར་པོ་སྦྱར་བར་བྱ།། སེར་པོར་སྣང་བ་རྒྱས་པ་ལ།། དབང་གི་ལས
184a4 དམར་པོ་སྟེ།། གདུག་པ་ནག་པོར་རབ་ཏུ་སྦྱར།། ཏིང་འཛིན་ཡེ་ཤེས་ལས་བྱུང་བ།། ལས་ཀྱི་སྒྲུབ་པ་དམ་པ་ཡིན།། བཅོམ་ལྡན་དག་པ་བསྒོམ་བྱ་སྟེ།། སངས་རྒྱས་ཀུན་ལས་མི་གཡོ་གྱུར།། བྷ
184a5 གའི་དབུས་སུ་གསང་བའི་བདག། རྡོ་རྗེ་དབྱིངས་ནི་དེ་བཞིན་གཤེགས།། ལྔ་ཡི་བདག་གྱུར་བདག་ཉིད་ནི།། བསྒོམས་ན་གཡོ་བ་མེད་པར་འགྱུར།། སྙིང་ལ་གནས་པའི་ལྷ་མོ་ཆེ།། རྣལ་འབྱོར་པ
184a6 ཡི་རྣལ་འབྱོར་བསྐྱེད།། སངས་རྒྱས་ཐམས་ཅད་སྐྱེད་མཛད་ཡུམ།། རྡོ་རྗེ་དབྱིངས་ཀྱི་དབང་མོར་བཤད།། འདོད་ཆགས་ཞེ་སྡང་གཏི་མུག་སྟེ།། འདི་དག་འཇིག་རྟེན་དུག་གསུམ་ཡིན།། སངས
184a7 རྒྱས་བཅོམ་ལྡན་དུག་མི་མངའ།། རྡོ་རྗེ་དབྱིངས་ནི་དེ་བཞིན་གཤེགས།། ཆགས་དང་སྡང་དང་རྨོངས་པ་རྣམས།། བསྒོམས་ནས་ཁམས་གསུམ་པ་ཡི་བདག། སངས་རྒྱས་བཅོམ་ལྡན་འདས
iiif viewer powered by OpenSeadragon
