| e-texts navigator |
| Wylie |
183b1 མི་འགྱུར།། ཇི་ལྟར་ཡེ་ཤེས་མཆོག་དག་པ།། དེ་ལྟར་དག་པ་དེ་བཞིན་གཤེགས།། རྣམ་པར་ཤེས་པ་རྣམ་པ་བཞི།། ཕྱག་རྒྱ་བཞི་ཡི་ཆོ་ག་ཡིས།། གསང་བ་གཉིས་མེད་སྦྱོར་བ་ཡིས།། སྐུ་གསུང
183b2 ཐུགས་ནི་ཡང་དག་བྱུང་།། ཐུགས་ནི་ཕྱག་རྒྱ་ཆེན་པོ་སྟེ།། དམ་ཚིག་ཕྱག་རྒྱ་ཀུན་ཏུ་འགྲོ།། ཆོས་ཀྱི་ཕྱག་རྒྱ་གསུང་གི་སྟེ།། ལས་ཀྱི་ཕྱག་རྒྱ་སྐུ་ཡི་ཡིན།། རྒྱ་ཡིས་རྒྱས་བཏབ་དངོས་པོ་ནི།། གསང
183b3 བདག་གསང་བའི་རྣལ་འབྱོར་པའོ།། རང་རིག་པ་ཡི་ངོ་བོ་ཉིས།། ཏིང་འཛིན་ཡེ་ཤེས་བརྟག་པ་ཡིན།། ལུས་ངག་སེམས་སུ་རྣམ་བརྟགས་པའི།། བྱ་བ་རྒྱུད་དུ་རྣམ་བརྟགས་པ།། གསང་བ་རྣམ་པ་གསུམ་དུ
183b4 བཤདད། རྡོ་རྗེ་ལས་ཅན་སྣ་ཚོགས་བཞིན།། སངས་རྒྱས་ལྔ་ཡི་བདག་ཉིད་ནི།། གསང་བའི་ཡེ་ཤེས་བླ་མེད་ཡིན།། ཕྱག་རྒྱ་བཞི་པོ་གསང་བ་དེ།། རྣལ་འབྱོར་པ་ཡིས་ལས་གྲུབ་བྱེད།། འབྱུང་བ་ཆེན་པོ།
183b5 བཞི་པོ་ཡང་།། ཕྱག་རྒྱ་བཞི་ཞེས་བཤད་པ་ཡིན།། ཕྱག་རྒྱ་བཞི་ཡིས་མཉམ་སྦྱོར་བ།། ལྷ་མོ་བཞི་དང་ཡང་དག་སྦྱོར།། ས་ནི་སྤྱན་ཞེས་བཤད་པ་ཡིན།། ཆུ་ནི་མཱ་མ་ཀཱི་ཞེ་ས་བཤད།། མེ་དང་རླུང་ཞེས
183b6 གྲགས་པ་ནི།། གོས་དཀར་མོ་དང་སྒྲོལ་མ་ཡིན།། དབང་ཆེན་ས་ཡི་ཁམས་ཡིན་ཏེ།། ཆུ་ཡི་ཁམས་ནི་ཆུ་དཀྱིལ་འཁོར།། མེ་ནི་མེ་ཡི་ཁམས་ཡིན་ཏེ།། རླུང་ནི་རླུང་གི་དཀྱིལ་འཁོར་རོ།། དབང་ཆེན་ཁ་དོག།
183b7 སེར་པོ་སྟེ།། གྲུ་བཞི་པ་སྟེ་རྒྱས་པ་ཡིན།། ཆུ་ཡི་དཀྱིལ་འཁོར་ཟླུམ་པོ་སྟེ།། དཀར་པོའི་མདོག་ཅན་ཞི་བའི་ཡིན།། མེ་ཡི་དཀྱིལ་འཁོར་ཁ་དོག་དམར།། གྲུ་གསུམ་དབང་གི་ལས་རྣམས་ལའོ།། ཆུང
iiif viewer powered by OpenSeadragon
