| e-texts navigator |
| Wylie |
183a1 རྣལ་འབྱོར་པ་ནི་འཚང་མི་རྒྱ།། ཕྲ་མོའི་དངོས་པོ་བཞིན་མཐོང་།། སྡུག་པའི་དངོས་པོར་དེ་བཞིན་ཏེ།། དངོས་དང་དངོས་མེད་ཁྱད་པར་ནི།། སྒོམ་པ་ཀུན་ཏུ་བརྟགས་པ་ཡིན།
183a2 དངོས་པོ་སྒོམ་པའི་དངོས་མ་ཡིན།། བསྒོམ་པར་བྱ་བ་སྒོམ་པ་མིན།། དངོས་པོ་སྒོམ་པར་གྱུར་པ་ཡིས།། རང་གི་སེམས་ནི་ཡོངས་སུ་སྦྱང་།། སངས་རྒྱས་སངས་རྒྱས་ཡུལ་མ་ཡིན།། སེམས་ཅན་ཡུལ
183a3 དུའང་མི་འགྱུར་གྱི།། རང་སེམས་རྟོགས་པས་སངས་རྒྱས་ཏེ།། སངས་རྒྱས་སངས་རྒྱས་རྟོགས་པས་མིན།། གཉིས་མེད་སྦྱོར་བ་འདི་ལ་ཡང་། ཏིང་ངེ་འཛིན་གྱི་ཡེ་ཤེས་བརྟག་རྒྱུ་ཡི་དེ་ཉིད་ཇི
183a4 མཐོང་དང་འབྲས་བུའི་དེ་ཉིད་དེ་ཉིད་ཡིན།། རྒྱུ་ཡི་དེ་ཉིད་ཅུང་ཟད་མེད།། འབྲས་བུའི་དེ་ཉིད་དེ་བཞིན་ནོ།། དེ་ཉིད་དེ་ནི་དེ་བཞིན་ཤེས།། དེ་ཉིད་རྣལ་འབྱོར་པ་ཀུན་སྤྱོད།། རྒྱུ་ཡིས་རྒྱུན་ནི་དངོས་པོར་མིན།།
183a5 འབྲས་བུའི་དངོས་པོར་འབྲས་བུས་མིན།། རྒྱུ་དེ་འབྲས་བུའི་དངོས་པོར་རུང་།། རང་གི་སེམས་ནི་སོ་སོར་སྣང་།། ཡེ་ཤེས་དེ་ནི་རྒྱུ་དངོས་ཏེ།། གསང་དེ་འབྲས་བུའི་དངོས་པོ་ཡིན།། གསང་བ་གཉིས་མེད།
183a6 སྤྱོད་པ་ཡིས།། དེ་ཡི་དངོས་པོས་མཆོག་ཡིན་ནོ།། དེ་ཉིད་དེ་ཉིད་རྟོགས་གྱུར་པ།། གསང་དེ་གསང་བའི་རྣལ་འབྱོར་པ།། གསང་བདེ་རིག་ཤེས་པ་སྟེ།། མཆོག་ནི་མཆོག་གི་རྣལ་འབྱོར་པ།། སྡུག
183a7 པའི་ངོ་བོར་གང་བཤད་པ།། མི་སྡུག་པ་ཡང་དེ་ཡི་དངོས།། སྡུག་དང་མི་སྡུག་གཟུགས་གང་ཡིན།། མི་མཐོང་དེ་ནི་དེ་བཞིན་གཤེགས།། རྣམ་ཤེས་ཙམ་ནི་མེད་པ་རུ།། རྣལ་འབྱོར་རྣལ་འབྱོར་འབྱུང
iiif viewer powered by OpenSeadragon
