| e-texts navigator |
| Wylie |
182b1 ཡང་དགཟུགས།། རྒྱུ་ཡི་དེ་ཉིད་མི་འདོད་དོ།། གང་དུ་འདོད་པ་སྐྱེས་གྱུར་པ།། དེ་ཉིད་འཁོར་བའི་བག་ཆགས་ཡིན།། མཁས་པ་ཡི་ནི་ཆོ་ག་ཡིས།། སྒོམ་པ་རུ་ནི་ཡོངས་སུ་བཏགས།། གང་ཞིག་སླར་ལ།
182b2 གཅིག་གྱུར་པ།། རྣལ་འབྱོར་པ་ཡི་ནལ་འབྱོར་བྱུང་།། སངས་རྒྱས་རྗེས་དྲན་ལ་དམིགས་ཤིང་།། ཆོས་ནི་རྗེས་སུ་དམིགས་པ་ཡི།། ཚོགས་གཉིས་ཀྱི་ནི་སྦྱོར་བ་ཡིས།། རྐང་གཉིས་དམ་པ་ཉིད་དུ་འགྱུར།།
182b3 བྷ་གར་ལིང་ག་རབ་གཞག་སྟེ།། སངས་རྒྱས་སྲུང་ནི་རྣམ་པར་སྒོམ།། སངས་རྒྱས་རྗེས་དྲན་རྣལ་འབྱོར་པ།། སངས་རྒྱས་སྤྲིན་ནི་བསྒོམ་པར་བྱ།། བྷ་གར་ལིང་ག་རབ་གཞག་སྟེ།། རྡོ་རྗེ་ཆོས་ནི
182b4 རྣམ་པར་སྒོམ།། ཆོས་ནི་རྗེས་དྲན་རྣལ་འབྱོར་པ།། ཆོས་ཀྱི་སྤྲིན་ལས་ཆར་རབ་འབེབས།། མཚན་ནི་ལིང་ག་ཞེས་བཤད་དེ།། ཕྱག་རྒྱའི་མཚན་མ་རྣམ་པ་བ་ནི།། འཇོམས་པས་བྷ་ག་ཞེས་བཤད་དེ།།
182b5 ཉོན་མོངས་འཇོམས་པའི་དམ་པ་ཡིན།། སེམས་ཅན་ཀུན་གྱི་དངོས་ཀུན་གྱི།། རང་སེམས་ཆོས་ནི་བསྡུས་པ་ཡིན།། ཆོས་བདག་མེད་པའི་སྦྱོར་བ་ཡིས།། བསད་ན་རང་ཉིད་འཆི་བར་འགྱུར།། རང་གི
182b6 སེམས་ཉིད་རྫོགས་སངས་རྒྱས།། རྟོགས་པར་བྱ་བ་སེམས་ཉིད་ཡིན།། རང་གི་སེམས་ཉིད་གསད་བྱ་བ།། སེམས་ཉིད་ཁོ་ན་གསད་པར་བྱ།། སྦྱོར་བ་ཉིད་དང་ཡང་དག་འབྲེལ།། གང་ཡང་སྲིད་པ
182b7 འབྱུང་མ་ཡིན།། གང་ཚེ་སངས་རྒྱས་དེ་ཚེ་ནི།། སྦྱོར་ལྔ་སངས་རྒྱས་བདག་ཅེས་སྒོམ།། ཏིང་འཛིན་ཡེ་ཤེས་ལས་བྱུང་བ།། སངས་རྒྱས་ཉིད་ཕྱིར་མདོར་བསྡུས་པ།། སངས་རྒྱས་རྣལ་འབྱོར་མེད་པར་ནི།། །
iiif viewer powered by OpenSeadragon
