| e-texts navigator |
| Wylie |
182a1 འདས་ཡེ་ཤེས་སེམས་དཔའ་ལ་ཕྱག་འཚལ་ལོ།། འབྱུང་ལྔ་ཉིད་ཀྱིས་ལྔ་ཡི་བདག་ཉིད་ཅན།། མི་རྣམས་ལུས་ལ་ངེས་པར་མཐོང་བ་དག། རང་སེམས་རབ་ཏུ་བསྒོམས་པར།
182a2 གྱུར་ན་ནི།། དངོས་དེར་བསྒོམས་པས་ངེས་པར་སངས་རྒྱས་འགྱུར།། རབ་ཤེས་གསང་བ་དམ་པ་ནི།། སངས་རྒྱས་ཡེ་ཤེས་བླ་མེད་དེ།། གཉིས་མེད་གཉིས་ཀྱི་ཚུལ་ཅན་ཏེ།། སངས་རྒྱས་རྟག་པ།
182a3 རབ་ཏུ་འདུད།། ཡང་དག་བདག་མེད་ལས་བྱུང་ཞིང་།། གཉིས་མེད་ཡེ་ཤེས་ལས་བྱུང་བ།། སྡུག་དང་མི་སྡུག་རྣམས་སྤངས་པ།། ཅི་ལའང་ཕྱག་ནི་མི་འཚལ་ཏོ།། མ་སྐྱེས་པ་ནི་ཡང་དག་བསྐྱེད།།
182a4 སྐྱེས་པའི་འོག་ཏུ་རྟག་པར་ནི།། སངས་རྒྱས་སྐུར་ནི་སྒོམ་པ་དེ།། རང་གི་ཡེ་ཤེས་མཆོག་ཕྱག་འཚལ།། རྣལ་འབྱོར་པ་དང་སེམས་ཅན་ཀུན།། མ་སྐྱེས་པ་ནི་ཡང་དག་བསྐྱེད།། སྐྱེས་པའི་འོག་ཏུ
182a5 རྟག་པར་ནི།། ཉོན་མོངས་བག་ཆགས་ཀྱིས་སུན་འབྱིན།། ལུས་ཅན་རྣམས་ནི་འཁོར་གྱུར་པ།། སྡུག་དང་མི་སྡུག་རྣམ་འབྱེད་ཡིན།། སེམས་གང་དེ་ཉིད་སྡུག་བསྔལ་ཏེ།། སེམས་ཅན་རྣམས་ཀྱི་ལུས་འབྱུང
182a6 ངོ་སེམས་དེ་ཡི་ནི་རྒྱུན་ཉིད་ཀྱིས།། འགྲོ་བ་སྡུག་བསྔལ་གནོད་པར་འགྱུར།། རྣམ་པར་སྣང་མཛད་རྒྱལ་པོ་མགོན།། སངས་རྒྱས་ཐམས་ཅད་བསྡུས་གཅིག་པ།། སངས་རྒྱས་ཐམས་ཅད་རྟོགས་གྱུར།
182a7 པདན་སངས་རྒྱས་འཁོར་བ་སྒྲོལ་བ་པོ།། སེམས་ཅན་ཀུན་ལ་ཕན་པའི་ཕྱིར།། ཐུགས་རྗེའི་ཉམས་དང་ཡང་དག་ལྡན།། རྒྱུ་ཡི་དེ་ཉིད་མཉམ་སྦྱོར་བས།། འབྲས་བུའི་དེ་ཉིད་རྣམས་ཀྱང་སྟོན།། འབྲས་བུའི་རིཅི
iiif viewer powered by OpenSeadragon
