| e-texts navigator |
| Wylie |
95a1 རྗེ་ཅན་གྱིས་མི་རྟག་པར།། དད་པས་བླ་མའི་དམ་ཚིག་བསྲུང་།། ཉེས་པ་མ་ལུས་རྣམ་སྤངས་སེམས་ཀྱིས་ནི།། བསམ་གཏན་ལ་སོགས་བཟླས་པ་མཆོག་གཞོལ་བར།། རྟག་ཏུ་བླ་མ་ལ་ནི
95a2 བླ་མར་བྱ།། བརྟན་ཞིང་དུལ་ལ་སྙིང་རྗེ་གཅིག་ཏུ་སེམས།། དང་དང་ལྷག་པའི་བསམ་པས་བཟོད་པ་འཛིན།། སློབ་མ་བླ་མ་ལ་ནི་གུས་པ་དང་།། དད་པས་གཤིན་རྗེ་གཤེད་ལ་གུས་པ་ལ།། བརྟུལ་ཞུགས་ལྡན
95a3 པས་དེ་ནི་ཡོངས་སྦྱིན་བྱ།། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་དགའ་བ་ཆེན་པོའི་ངོ་བོ་རྡོ་རྗེ་འཆང་གི་གསུང་ཉེ་བར་ཐོས་ནས་ཅང་མི་སྨྲ་བར་གྱུར་ཏེ།། འདི་ལྟ་བུའི་ཆེད་དུ་བརྗོད་པ
95a4 ཆེད་དུ་བརྗོད་དོ།། བརྟུལ་ཞུགས་མཐར་ཐུག་ཐོད་པ་ཆེན་པོ་ལྟར།། འཁྲུལ་འཁོར་མཐར་ཐུག་གཤིན་རྗེ་གཤེད་ཀྱི་རྒྱུད།། རྒྱུད་ཀྱི་མཐར་ཐུག་པ་འདི་འདུས་པ་སྟེ།། བྱུང་བར་མ་གྱུར་འབྱུང་བར་མི་འགྱུར་རོ།། ཨེ་མའོ།།
95a5 ཞི་བ་ཆེན་པོའི་ཆོས།། ཨེ་མའོ་ཁྲོ་བོ་འཇིགས་མཛད་པ།། ཨེ་མའོ་མྱ་ངན་ལས་འདས་པའི་མཆོག། ཨེ་མའོ་འཁོར་བ་ཞི་བ་ཉིད།། ཨེ་མའོ་འདི་ནི་རབ་ཏུ་མཚར།། ཉེས་པ་གང་དེ་ཡོན་ཏན་གྱུར།། བྱང་ཆུབ
95a6 མེད་ཅིང་མངོན་རྟོགས་མེད།། དངོས་པོ་མ་ཡིན་བསྒོམ་བྱ་མིན།། ཁམས་མ་ཡིན་ཞིང་རྣམ་ཤེས་མིན།། ནམ་མཁའི་ཁམས་དང་མཚུངས་པ་ཉིད།། ནམ་མཁའ་ལྟ་བུར་བདག་མེད་པ།། ཆོས་འདི་བདེ་བ་ཆེན་པོ
95a7 སྟེང་ངས་ཡང་མ་ཡིན་ཆུ་མིན་ཏེ།། མེ་མིན་རླུང་མིན་ནམ་མཁའ་མིན།། རྡོ་རྗེ་སེམས་དཔའི་སྦྱོར་བ་ཡིས།། བསྐྱེད་པ་ཡང་ནི་རབ་གནས་ནས།། དངོས་པོ་ཐམས་ཅད་དངོས་མེད་བཤད།། དངོས་པོ་མེད་ཅེས་མ་བསྒྲགས
iiif viewer powered by OpenSeadragon
