| e-texts navigator |
| Wylie |
94a1 དབྱུག་པའི་ཐ།། དེ་བཞིན་ཡིད་བཞིན་ནོར་བུའི་ཤིང་།། ལྷ་མོ་རྣམས་ཀྱི་ཕྱག་གཡས་སུ།། རྡོ་རྗེ་ཡང་ནི་བསྒོམ་པར་བྱ།། ཆོས་ཀྱི་འཁོར་ལོ་ཐམས་ཅད་ལ།། ཐོད་པའི་སྣོད་ནི་གཡོན
94a2 བ་ལ་ངང་སྤྱན་མ་མཱ་མ་ཀཱི་སྒྲོལ་མ།། གོས་དཀར་ཡིད་དུ་འོང་བ་རྣམས།། མེ་ལ་སོགས་པའི་མཚམས་བཞི་རུ།། འཁོར་ལོ་ཕྱི་རོལ་གཤིན་གཤེད་དོ།། ཤེས་རབ་མཐར་བྱེད་རྟ་མགྲིན་དང་།། འཁྱིལ་བར
94a3 བཅས་པར་བསྒོམ་པར་བྱ།། འཁོར་ལོ་ཡི་ནི་སྒོ་སྲུངས་ཏེ།། ཆོ་ག་ལས་ནི་མཐོང་བས་སོ།། གཤིན་རྗེ་གཤེད་ནག་པོའི་རྒྱུད་ལས།། ཧེ་རུ་ཀ་སྒྲུབ་པའི་རིམ་པར་ཕྱེ་བ་སྟེ་བཅུ་དྲུག་པའོ།།
94a4 རྣམ་པ་ལྔ་ནི་བསྒོམ་བྱས་ལ།། སངས་རྒྱས་གཟུགས་ནི་བསྒོམ་པར་བྱ།། སངས་རྒྱས་གཟུགས་ནི་བསྒོམས་པ་ཡིས།། མཁས་པས་འཁོར་ལོ་བསྒོམ་པར་བྱ།། གླུ་བཞི་ཡི་ནི་སྦྱོར་བ་ཡིས།། འཁོར་ལོ་བསྐྱེད
94a5 པར་བྱ་བ་སྟེ།། ཙརྩི་ཀ་སོགས་གླུ་དང་ནི།། དྲུག་པ་ལས་སྐྱེས་སོགས་པར་བྱེད།། སྙིང་རྗེ་ཁྲོས་པའི་དང་སྒྲོལ་བཞེངས།། ཁམས་གསུམ་ཀུན་གྱི་གཏི་མུག་གསོལ།། དང་སྒྲོལ་གསོལ་བསམ་བཞུགས་བཞེངས།
94a6 བདུད་འདི་དག་ལས་རྒྱལ་བར་མཛོད།། འཇིག་རྟེན་མགོན་པོ་སྟོང་ཉིད་ཅི་སྟེ་བཞུགས།། དང་སྒྲོལ་འཇིག་རྟེན་བསོད་ནམས་ཀྱིས་བཞུགས་ཤིང་།། བྱང་ཆུབ་འདོད་པའི་འཇིག་རྟེན་མགྲོན་བོས་ནས།། ཁྱོད་ནི་སྟོང་པ
94a7 ཉིད་ལ་སེམས་པར་བྱེད།། ཇི་ལྟར་སྐར་མདའ་འཕྲོ་བ་བཞིན།། བྱང་ཆུབ་སེམས་ལ་ཞུགས་པར་གྱུར།། རྡོ་རྗེ་འཆང་རང་ངོ་བོ་ཉིད།། སྙིང་རྗེ་དང་ནི་འདོད་ཆགས་སེམས།། དང་པོར་སྒོམ་པ་རྣལ་འབྱོར་ཏེ།
iiif viewer powered by OpenSeadragon
