| e-texts navigator |
| Wylie |
125a1 མ་རྒྱལ་གྱི་དུས་ལ་བཟླ།། བྲི་བའི་ཉིན་མོའང་དེ་ལའོ།། དཀྱིལ་འཁོར་གྱི་ནི་ལྷར་བརྟག་པ།། གཡོན་གྱིས་མདུན་བྱས་གཞན་ལ་གདགས།། མ་ལུས་མཚོན་དག་རེངས་བྱེད་དེ།། གཅེར
125a2 བུ་ལ་ཡང་རེངས་པར་བྱེད།། མེ་ཏོག་ལས་ནི་གཞན་དུ་མིན།། ཤ་ལྔ་སོགས་ཀྱི་རིལ་བུ་ནི།། ལེགས་པར་གྲིམ་མ་དག་ལ་བསྐམས།། ལྕགས་གསུམ་དག་གིས་དཀྲི་བར་བྱ།། བཟླས་ཤིང་མཆོད་པ་བྱེད་པའི་ཚེ།།
125a3 དངུལ་དག་གི་ནི་རེངས་བཞིན་བྱ།། འབར་བར་གྱུར་པ་ཉིད་ན་ཡང་།། མཆོད་པ་ལེགས་པར་རྣམ་བྱས་ཏེ།། བསྐོར་བ་བརྒྱ་ཕྲག་དུ་མ་བྱ།། དེ་ནས་བློ་ལྡན་སྒྲུབ་པ་པོས།། ཁར་བཅུག་ཙམ་གྱིས་འདོད་པ་སྒྲུབ།།
125a4 ཕྱུང་ན་སྔོན་ལྟར་རྣལ་མ་ཉིད།། གསོ་བ་འདྲ་བས་འོ་མས་ཀྱང་།། ངེས་པར་འཁྲུལ་འཁོར་བཀྲུ་བར་བྱ།། རིག་སྔགས་འཁྲུལ་འཁོར་ལས་གྲོལ་ཏེ།། རྣལ་མ་ཉིད་ལ་གནས་པ་ཡིན།། སྣུམ་སྟེར་དག་གིས
125a5 བོན་ལ། ག་ཉ་ལྕི་བས་དང་ནི་བྱི་ཏང་ཀ། ཁུ་བས་ཡང་དེ་བྱུགས་པ་ལ།། ཐོད་པ་སྲས་ནི་རྣམ་བཀང་བར།། སྦས་ཏེ་བཟླས་པ་གྲངས་མེད་བྱ།། དེ་ཚེ་མཆོད་དང་གཏོར་མ་དག། ཡོངས་རྒྱས་འབྲས་བུ་རྣམས་བླངས
125a6 ཏེ་ངང་ལར་བཅུག་མཁའ་འགྲོ་བྱས་འགྱུར་རོ།། དེ་ལ་འདི་སྐད་ཅེས་བྱ་སྟེ།། ཞུས་དང་འདས་བྱུང་གདུག་པ་དང་།། མངོན་པར་རྟོགས་པའི་ཏིང་ངེ་འཛིན།། དཀྱིལ་འཁོར་རྣམ་པར་སྤྲོས་པ་དང་།། ཐིག་གིས
125a7 གཞལ་ཡས་མཚན་པ་དང་།། རྡུལ་མཚོན་ཕྱོགས་ལས་རྣམ་པར་བརྟགས།། ཡང་དག་བྱིན་གྱིས་བརླབས་པ་དང་།། བདུད་རྩི་མྱང་བར་བྱ་བ་དང་།། ཚངས་པའི་གནས་བཞི་སྒོམ་པ་དང་།། སྔགས་ཀྱི་དངོས
iiif viewer powered by OpenSeadragon
