| e-texts navigator |
| Wylie |
123a1 སྦྲུས་ཏེ་གཟུགས་བྱས་ལ།། འཁོར་ལོ་ལོཤི་དྲི་ལ་ལུང་བ་དང་། ལྗོངས་ཀྱི་ནི་ཁུབས་བསྐུ།། སྙིང་བ་བཅུག་སྟེ་གཞུག་པར་བྱ།། སེང་ལྡེང་ཕུར་པ་སོར་བརྒྱད་པས།། ལུས་ལ་སོགས་པ་གདབ་པར་བྱ།། དགྲ
123a2 རྣམས་འོང་བའི་ལམ་དུ་ཡང་།། ཁུང་བུར་བརྐོས་ཏེ་གཞུག་པར་བྱ།། ལཾ་ལས་དབང་ཆེན་གྱིས་མནན་ཅིང་།། སུཾ་ལས་སྐྱེས་པ་དེ་སྟེངས་ན།། སྣ་ཚོགས་ལས་ཀྱིས་མནན་པ་ཡི།། ཁམ་ཕོར་སྐུད་སེར་དཀྲི་བར་བྱ།།
123a3 རྒྱལ་ཆེན་དག་ནི་སེར་པོ་ཡང་།། དབང་ཆེན་ལ་གནས་ལྷོར་བལྟས་ཏེ།། སྒྲུབ་བྱ་སེར་པོའི་རིས་མནན་པར།། བསམས་ནས་བཟླས་པ་བརྩམ་པར་བྱ།། སྭཱ་ཧཱ་མེད་པར་སྟམྦྷ་ཡ། ལཾ་གྱི་མཐའ་ཅན་ལྔ་སྟོང་བཟླས།།
123a4 གཏོར་མ་རྒྱུན་དུ་སྦྱིན་པར་བྱ།། རེངས་པ་ཆེན་པོའི་ལས་འདི་ཡིས།། དམག་གི་དཔུང་ཡང་ངེས་པར་རེངས།། འགའ་ཙམ་ལ་ནི་སྨོས་ཅི་དགོས།། སྲན་ནེ་ལན་གསུམ་བསྔགས་པ་ཡིས།། དུར་ཁྲོད་རས་ལ་འཁོར
123a5 ལོ་བྲི་རིམས་དང་དུག་གིས་ཟིན་པ་སྟེ།། དེ་ཡི་སྟེང་དུ་གཞག་པར་བྱ།། བདག་ཉིད་དཀར་པོར་རྣམ་བསམས་ཏེ།། ཆོ་གས་བྱབ་ཅིང་གདོན་པར་བྱ།། དེ་ནི་དེ་ནས་ཞི་བར་འགྱུར།། ངག་དག་རེངས་པར་འདོད་ན་ཡང་།
123a6 སྨྱོ་བྱེད་ཁུ་བ་དུར་ཁྲོད་སོལ།། བཙག་རྣམས་བསྲེས་ཏེ་སོ་མ་བཏང་།། ཁམ་ཕོར་གཉིས་ལ་འཁོར་ལོ་འདི།། ཕོ་དང་མོ་ཡི་བསྐོར་ཕྱོགས་གཉིས།། མ་ནོར་བྲིས་ཏེ་ཁ་སྦྱར་ལ།། རོ་བསྲེགས་ས་དང་ཐལ
123a7 བས་གཡོགས།། སྟེང་དུ་བཟླས་ཤིང་སྤེལ་བ་ནི།། སྟམྦྷ་ན་དང་ཀུ་རུ་ལཾ།། སྭཱ་ཧཱ་མེད་པའི་སྔགས་འདི་ཡིས།། ཁ་བཅིང་བ་ནི་ངེས་པར་འགྱུར།། གང་ཞིག་གསད་པར་བྱེད་པ་ལ།། སྙིང་རྗེར་ལྡན་པའི་གང་ཟག
iiif viewer powered by OpenSeadragon
