| e-texts navigator |
| Wylie |
117a1 རྒྱལ་པོ་ལ་སོགས་པ།། གཤིན་རྗེ་བོ་ཞལ་སོགས་ཀུན།། སྒྲོལ་བའི་གང་དུ་བྱིན་གྱིས་བརླབས།། མ་དང་སྲིང་མོ་བུ་མོ་དང་།། འཁོར་བཅས་ཀུན་ལ་བཀའ་བསྒོག།། ཝཱ་བརྒྱ་ངས
117a2 མཐའ་མ་ལ།། ང་ཡིས་བསྟན་པ་འབྱུང་བའི་ཚེ།། རྣལ་འབྱོར་རིག་འཛིན་ལྡན་པ་ལ།། བཀའ་བསྒོའི་ལས་རྣམས་ཚུལ་བཞིན་གྱིས།། ཞེས་པས་དམ་བཅས་པས་དང་།། མནན་བཞིན་དུ་མནའ་བོར་རོ།། གཏམ
117a3 རྒྱུད་ཀྱི་རྟོག་པ་རྫོགས་སོ།། ། བྱ། རྒྱ་གར་སྐད་དུ། ཡ་མཱ་རི་ཀྲིཥྞ་ཀརྨ་སརྦ་ཙཀྲ་སིདྡྷ་ཀ་ར་ནཱ་མ་ཏནྟྲ་རཱ་ཛ། བོད་སྐད་དུ། གཤིན་རྗེ་གཤེད་དགྲ་ནག་པོའི་འཁོར་ལོ
117a4 ལས་ཐམ་ཅད་འགྲུབ་པར་བྱེད་པ་ཞེས་བྱ་བའི་རྒྱུད་ཀྱི་རྒྱལ་པོ་བཅོམ་ལྡན་འདས་རྡོ་རྗེ་མཁའ་འགྲོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན།། བཅོམ་ལྡན་འདས་དེ་བཞིན་གཤེགས་པ
117a5 ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེའི་བཙུན་མོའི་བྷ་ག་ལ་གཏི་མུག་རྡོ་རྗེ་དང་། སེར་སྣ་རྡོ་རྗེ་དང་། འདོད་ཆགས་རྡོ་རྗེ་དང་། ཕྲག་དོག་རྡོ་རྗེ་དང་། ས་རྡོ་རྗེ་དང་། ཆུ་རྡོ་རྗེ་དང་། མེ་རྡོ་རྗེ་དང་། རླུང་རྡོ་རྗེ་དང
117a6 བྱང་ཆུབ་ཀྱི་སེམས་བདེ་བ་ཆེན་པོ་མ་དང་། ཡོན་ཏན་གྱི་འཕྲེང་བ་མ་དང་། སེམས་ཅན་གྱི་རྒྱང་ཚིམ་པར་བྱེད་པ་མ་དང་། བརྩོན་འགྲུས་ཀྱི་ངོ་བོ་མ་དང་། བདུག་སྤོས་མ་དང་། མེ་ཏོག་མ་དང་། མར་མེ་མ་དང་། དྲི
117a7 ཆབ་མ་དང་། དེ་ལ་སོགས་པ་དཔག་ཏུ་མེད་པ་དང་ཐབས་ཅིག་ཏུ་བཞུགས་སོ།། དེ་ནས་ལྷ་མོ་བེ་ཏ་ལི་སྟན་ལས་ལངས་ཏེ་ཐལ་མོ་སྦྱར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན
iiif viewer powered by OpenSeadragon
