| e-texts navigator |
| Wylie |
114a1 ཏེ་དབྱེ་བ་རྟ་དང་མ་ཧེའི་སོགས།། གསང་ལ་དུག་ལ་སོགས་པས་བྲི།། དགེ་བའི་ལས་ལ་བཟང་པོའི་ཤིང་།། དགེ་མིན་ལ་ནི་རུས་པ་དང་།། ལྕགས་ལ་སོགས་པས་བྲི་བར་བྱ།།
114a2 ཞི་བ་ཤར་བ་ལྟ་དབང་ལ་ནུབ།། རྒྱས་ལ་བྱང་སྟེ་དྲག་པོ་ལྷོ།། གཞན་ནི་ཅི་རིགས་སྦྱར་བར་བྱ།། ཞི་རྒྱས་དབང་དང་དགུག་པ་ལ།། ས་བསྐོར་རིམ་བཞིན་དགོད་པར་བྱ།། གནམ་བསྐོར་དག་ནི་རིམ་པར་བཟློག
114a3 གསད་བསྐྲད་དབྱེ་བ་མནན་པ་ལ།། ས་བསྐོར་རིམ་ལས་བཟློག་པ་སྟེ།། གནམ་བསྐོར་དག་ནི་རིམ་བཞིན་བྲི།། དེ་ལྟར་ལེགས་པར་མ་བྲིས་ན།། འཁོར་ལོ་རང་ལ་ལྡོག་པར་འགྱུར།། དེ་བས་ན་ཏན་སྐྱེད་དེ་བྱ།།
114a4 རས་ཀྱི་འཁོར་ལོ་ལེགས་ཟིན་ནས།། དཀྱིལ་འཁོར་ལ་གནས་དཀྱིལ་འཁོར་ཏེ།། རས་ཀྱི་འཁོར་ལོར་སྤྱན་དྲངས་ཏེ།། རྡོ་རྗེ་བསྡུ་བའི་སྦྱོར་བ་ཡིས།། དཀྱིལ་འཁོར་འཁོར་ལོ་བཏུ་བར་བྱ།། རས་ཀྱི་འཁོར་ལོ
114a5 མཆོད་ནས་ནི།། བདེན་པའི་བྱིན་རླབས་དམིགས་པར་བྱ།། ཇི་ལྟར་གསུངས་པའི་ཆོ་ག་བཞིན།། འཁོར་ལོ་སྤོ་བ་བྱས་ནས་ནི།། གསང་སྔགས་བཟླས་པ་བརྩམ་པར་བྱ།། ཨོཾ་བཛྲ་ས་མ་ཡ་སྟྭཾ།། དམ
114a6 ཚིག་གི་སྔགས་སོ།། ཨོཾ་བཛྲ་བེ་ག། རྡོ་རྗེ་ཤུགས་ཀྱི་སྔགས་སོ།། ཨོཾ་བཛྲ་ཨ་ས་མེ་ཏྲི་ས་མེ་ཏྲི་ས་མེ་མ་ཧཱ་ས་མ་ཡེ་སྭཱ་ཧཱ།། ཡི་གེ་བསྲེ་བའི་སྔགས་སོ།། ཨོཾ་བཛྲ་ས་མཱ་ཛ། འཁོར་ལོ་སྤོ་བའི་སྔགས་སོ།།
114a7 ཨོཾ་བཛྲ་ས་མ་ཡ་ཡ་མ་རཱ་ཛཱ་ས་དོ་མེ་ཡ། ཡ་མེ་དོ་རུ་ཎ་ཡོ་ད་ཡ། ཡ་ད་ཡོ་ནི་ར་ཡཀྵེ་ཡ། ཡཀྵེ་ཡཙྪ་ནི་རཱ་མ་ཡ་ཕཊ་ཕཊ། འདི་ནི་རྩ་བའི་སྔགས་ཏེ། ལས་ཐམས་ཅད་པའོ།། ཤཱནྟི་ཀུ་རུ་སྭཱ་ཧཱ
iiif viewer powered by OpenSeadragon
