| e-texts navigator |
| Wylie |
113a1 པ་དང་།། དེ་ཉིད་ནས་ནི་བགྲངས་པ་ཡི།། གཟའ་ཅན་ཁང་པ་ལ་གནས་པ། གདབྱངས་ཡིག་གཉིས་པ་ལྡན་པ་དག་ཟླ་བའི་ཆང་དུ་བླངས་ནས་ནི། བྱང་ཤར་མརྣམས་སུ་རེ་རེ་སྦྱིན།
113a2 རྒྱ་མཚོའི་ཁང་པ་ལ་གནས་པ།། དབྱངས་ཡིག་གཉིས་པ་ལྡན་པ་དག། རིམ་མིན་ཡོན་ཏན་ཁང་པ་ནས།། ཟླ་བའི་ཚད་དུ་བླངས་ནས་ནི།། ཤར་ལྷོ་མཚམས་སུ་དེ་བཞིན་སྦྱིན།། རིམ་མིན་བཀྲ་ཤིས་ཁང་པ་ནས།
113a3 དབྱངས་ཡིག་ལྔ་པ་ལྡན་པ་དག་ཀ་ཡན་ལག་ཅན་གྱི་ཁང་པ་ནས།། ཟླ་བའི་ཚད་དུ་བླངས་ནས་ནི།། ལྷོ་ནུབ་མཚམས་སུ་དེ་བཞིན་སྦྱིན།། རིམ་མིན་ཆོས་ཅན་ཁང་པ་ནས།། དབྱངས་ཡིག་གསུམ་པ་ལྡན་པ་དང་།།
113a4 རིམ་མིན་བཀྲ་ཤིས་ཁང་པ་ནས།། ཟླ་བའི་ཚད་དུ་བླངས་ནས་ནི།། བྱང་ཤར་མཚམས་སུ་དེ་བཞིན་སྦྱིན།། དེ་ལྟར་དགོད་པར་བྱས་ནས་ནི།། དེ་ནས་དྲང་བ་བརྩམ་པར་བྱ།། དམ་ཚིག་རྗེས་སུ་དྲན་བྱེད་ཅིག།། རྡོ་རྗེ
113a5 ཤུགས་དང་ལྡན་པ་ཡི།། ཤར་གྱི་ཚངས་ཐིག་ངོས་གཉིས་ནས།། ཡི་གེ་ཟུང་ལྡན་དྲངས་ནས་ནི།། དབུས་ཀྱི་ཁང་པར་གཞག་པར་བྱ།། ཕྱོགས་གཞན་ཚངས་ཐིག་ངོས་དག་ན།། དེ་བཞིན་ཟུང་ལྡན་དྲངས་ནས་ནི།།
113a6 དེ་བཞིན་དབུས་ཀྱི་ཁང་པར་གཞག། དེ་ན་ཤར་གྱི་ཡི་གེ་ཡང་།། རིམ་པ་གཉིས་པའི་ཁང་པར་དྲངས།། ཕྱོགས་གཞན་དུ་ཡང་དེ་བཞིན་ནོ།། ཤར་གྱི་ཟུང་ལྡན་གསུམ་པ་ཡང་།། རིམ་པ་གསུམ་པའི་ཁང་པར
113a7 དྲང་དཕྱོགས་གཞན་དུ་ཡང་དེ་བཞིན་ནོ།། མཚམས་ཀྱི་ཡི་གེ་ཡ་བྲལ་འདིས།། རང་རང་གི་ནི་མཚམས་སུ་དྲང་།། དེ་དག་ཕྱུང་བའི་ཁོང་སྟོང་དུ།། དབྱངས་ཀྱི་ཡི་གེ་དྲང་བར་བྱ།། དབྱངས་ཀྱི་ཡི་གེ་བཞི་ལ་ནི།།
iiif viewer powered by OpenSeadragon
