| e-texts navigator |
| Wylie |
358a1 ནང་ཆུ་བརྒྱད་ཏིང་འཛིན་ལ་གནས་ཏེ།། དེ་ཚེ་འཁོར་གྱིས་འདི་སྐད་བསྟོད།། ཆུ་བརྒྱད་འཁོར་ལོའི་བདག་ཉིད་ཆེ།། རྟག་པ་ཆུ་ཡི་དཀྱིལ་འཁོར་ཅན།། འབྱུང་བའི་གཙོ
358a2 བོའི་ཆུ་ཡི་བདག། ཆུ་བརྒྱད་མངའ་བདག་ཁྱོད་ཕྱག་འཚལ།། རླུང་བརྒྱད་ཏིང་འཛིན་ལ་གནས་ན།། འཐོར་ཞིང་འབུད་པའི་བདག་ཉིད་ཆེ།། རླུང་ཆེན་དྲག་པོ་རྩལ་ཤུགས་ལྡན།། རླུང་ལྷ་གོས
358a3 སྔོན་ཁྱོད་ཕྱག་འཚལ།། ས་ཡི་ཏིང་འཛིན་ལ་གནས་ནས།། མི་གཡོ་བརྟན་པའི་ལས་མཛད་པ།། གསེར་ལྡན་རོལ་མོ་སྣ་ཚོགས་ལྡན།། ས་བརྒྱད་འཁོར་ལོ་ཁྱོད་ཕྱག་འཚལ།། ལེའུ
358a4 བཅུ་གསུམ་པའོ།། ། དེ་ནས་དཔལ་ལྡན་གོས་སྔོན་ཅན།། ཕྲ་མོའི་ཏིང་འཛིན་ལ་གནས་ནས།། འཁོར་གྱི་གནོད་སྦྱིན་མང་པོ་ཀུན།། ཤིན་ཏུ་ཡིད་དགའ་དད་པ་ཞུས།།
358a5 ཕྲ་མོའི་ཐིག་ལེ་ཆེན་པོ་ཡིས།། ཅིར་སྣང་དངོས་པོ་གཅིག་ཏུ་འདས།། དེ་ཉིད་མཐའ་འདས་རང་བཞིན་མེད།། དེ་ནས་དཔལ་ལྡན་གོས་སྔོན་ཅན།། འདོད་ཆགས་ཏིང་འཛིན་ལ་གནས་པས།།
358a6 འཁོར་གྱི་གནོད་སྦྱིན་མང་པོ་ཀུན།། སྔངས་དང་དུས་དང་བརྒྱལ་བ་ལས།། བསླང་སྟེ་བླ་མེད་དོན་བསྟན་པས།། ཐམས་ཅད་འདོད་ཆགས་མངོན་སངས་རྒྱས།། འཁོར་གྱིས་སྐུ་ལ་མངོན་པར
358a7 བསྟོད།། ཀྱེ་ཧོ་གསང་བདག་གོས་སྔོན་ཅན།། བླ་མེད་རྫོགས་པའི་གློང་དཀྱིལ་ན།། འདོད་ཆགས་དག་པའི་བློ་ལྡན་པས།། མངོན་པར་སངས་རྒྱས་ཁྱོད་ཕྱག་འཚལ།། ལེའུ་བཅུ་བཞི་པའོ།།
iiif viewer powered by OpenSeadragon
