| e-texts navigator |
| Wylie |
355a1 བའི་ས་བོན་ལྡན།། ལན་གཉིས་ལྡན་གྱུར་ལས་གྲུབ་པ།། གོང་མ་བཞིན་དུ་མཆོད་བྱེད་དོ།། ལེའུ་གསུམ་པའོ།། དེ་ནས་འཕགས་པ་ལག་ན་རྡོ་རྗེ
355a2 གོས་སྔོན་པོ་ཅན་སྣ་ཚོགས་མངོན་པར་འགྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ་འདི་སྐད་ཅེས་གསུངས་སོ།། ཨོཾ་བཛྲ་པཱ་ཎི་མ་ཧཱ་ཡཀྵ་ནཱི་ལཱཾ་བ་ར་ད་ཧ་ནཱི་བཛྲ་ཧཱུཾ་ཕཊ། གང་ཞིག་ཏིང་འཛིན
355a3 རྣལ་འབྱོར་དེ།། ཉེས་པ་ཀུན་ལས་རབ་ཏུ་ཐར།། ལེགས་པའི་ཡོན་ཏན་ཐམས་ཅད་འཐོབ།། འབྲས་བུ་ཡང་དག་མངོན་པར་འགྲུབ།། སྔགས་ནི་གང་ཡིན་མིང་ཡིན་ཏེ།། གདུལ་བྱའི་མཐའ་དང་ལྡན་པ
355a4 ལ། མཐའ་མ་ལས་སྔགས་མཐའ་དང་ལྡན།། ལེའུ་བཞི་པའོ།། དེ་ནས་གོས་སྔོན་པོ་ཅན་འཁོར་ལོ་མངོན་པར་འགྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ
355a5 འདི་སྐད་ཅེས་གསུངས་སོ།། འབྱུང་བཞིའི་སངས་རྒྱས་རབ་བསྒོམས་ནས།། སོ་སོར་ལས་ཀྱིས་སྒོམ་པ་ནི།། མེ་བརྒྱད་རླུང་གཉིས་ལྡན་པར་བསམ།། ཆུ་བརྒྱད་དངོས་པོ་ཉིད་ཡིན་ཏེ།། དེ་བཞིན
355a6 ས་བརྒྱད་ཧཱུཾ་འབྲས་ལྡན།། རླུང་བརྒྱད་མེ་གཉིས་ལྡན་པ་སྟེ།། འབྲས་བུ་རིམ་གྱིས་གནོད་སྦྱིན་གཙོ།། སྒྲུབ་པ་སྔགས་བཞིན་མངོན་པར་འགྲུབ།། ཨེ་དང་སོ་སོའི་མཐའ་དང་ལྡན།། མེ་ལ་གོང་མས
355a7 མངོན་པར་འགྲུབ།། རྒྱུན་དུ་རྩ་བའི་གསང་སྔགས་བཟླས།། ལེའུ་ལྔ་པའོ།། ། དེ་ནས་འཕགས་པ་གོས་སྔོན་གྱིས།། ལས་བཅུ་མངོན་པར་འགྲུབ་པ་ནི།། ཏིང་ངེ་འཛིན་ལ
iiif viewer powered by OpenSeadragon
