| e-texts navigator |
| Wylie |
247a1 རྒྱ་གར་སྐད་དུ། ཤྲཱི་སརྦ་བུཥྚས་མ་སོག་རྫ་ཀ~ཾ་ནཱི་ཛ་ལ་ས་བ་ར་ནཱ་མ་ཨུཏྟ་ར་ཏཱནྟྲ། བོད་སྐད་དུ། དཔལ་སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་སྣུམ་བདེ་བའི་མཆོག་ཅེས།
247a2 བྱ་བའི་རྒྱུད་ཕྱི་མ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། སེམས་དཔའ་སངས་རྒྱས་ཀུན་གྱི་དངོས།། རྡོ་རྗེ་སེམས་དཔའ་བདེ་བའི་མཆོག། གསང་བ་མཆོག་གི་དགྱེས་པ་ན།། ཐམས་ཅད་བདག་ཉིད
247a3 རྟག་ཏུ་བཞུགས།། འདི་ནི་རང་བྱུང་བཅོམ་ལྡན་འདས།། གཅིག་པུ་རབ་ཏུ་ཆེ་བའི་ལྷ།། སངས་རྒྱས་ཐམས་ཅད་མཉམ་སྦྱོར་བ།། མཁའ་འགྲོ་སྒྱུ་མ་བདེ་བའི་མཆོག། ཆགས་མེད་ཆགས་དང་བྲལ་བ་མིན།།
247a4 དབུ་མར་ཡང་ནི་མི་དམིགས་སོ།། བུད་མེད་ཀུན་གྱི་སྒྱུ་མའི་རྒྱུ།། འདི་ནི་གཉིས་མེད་ཐེག་པའི་མཆོག། སྒྱུ་མ་དག་ནི་ཐམས་ཅད་པས།། བུད་མེད་སྒྱུ་མ་ཁྱད་པར་ཆེ།། ངོ་བོ་ཉིད་ཀྱི་མཐུ་དག་གིས།། །
247a5 རང་བཞིན་གྱིས་ནི་དེ་འགྲུབ་པའོ།། འཇིག་རྟེན་གསུམ་འདིར་བུད་མེད་འདིས།། གུས་པར་བྱེད་པ་དག་ཏུ་འགྱུར།། རྙེད་དང་བདེ་དང་དགའ་ཀུན་གྱིས།། ངན་པར་སྤྱོད་པའང་འགྲུབ་པར་འགྱུར།།
247a6 རང་གི་ངོ་བོ་ཡོངས་བསྒྱུར་ན།། བུད་མེད་ཀུན་གྱི་སྒྱུ་མས་འགྲུབ།། ངོ་མཚར་སྒྱུ་མའི་ཕྱག་རྒྱ་འདི།། མཁའ་འགྲོ་མ་ཞེས་བརྡར་བསྟན་ཏོ།། ཌཱ་ནི་ནམ་མཁར་འགྲོ་བ་ཞེས།། ཁམས་ལས་མངོན་དུ་བརྟགས་པ་སྟེ།
247a7 ནམ་མཁའ་ཀུན་ཏུ་སྤྱོད་འགྲུབ་པ།། མཁའ་འགྲོ་མ་ཞེས་རབ་ཏུ་གྲགས།། ཐམས་ཅད་མ་ལུས་ཕྱག་རྒྱ་ཡི།། ཐམས་ཅད་མ་ལུས་བདེ་མཆོག་གིས།། སངས་རྒྱས་ཐམས་ཅད་མཉམ་སྦྱོར་བ།། མཁའ་འགྲོ་མ་ཞེས།
iiif viewer powered by OpenSeadragon
