| e-texts navigator |
| Wylie |
49a1 རྡོ་རྗེ་དཔའ་ཁྱོད་ལ།། ཕྱག་འཚལ་རྡོ་རྗེ་རང་བྱུང་སེམས།། ཕྱག་རྣམས་དག་པ་འོད་གསལ་དབྱིངས།། ཕྱག་འཚལ་འདུད་ཅིང་ཕྱག་འཚལ་འདུད།། འགྲོ་བའི་བླ་མ་ཡེ
49a2 ཤེས་གཟུགས།། གསུང་གི་ཐིགས་པ་ལྷན་ཅིག་སྐྱེས།། རྣམ་དག་རང་རིག་དབྱིངས་ལ་འདུད།། བཅོམ་ལྡན་འདས་ཀྱིས་བཀའ་སྩལ་པ།། ཀྱེ་མ་སེམས་དཔའ་རྡོ་རྗེ་ཉོན།། མངོན་དུ་གྱུར་པ་སྒོམ
49a3 པའི་མཆོག། སྣ་ཚོགས་འབར་བ་ཡེ་ཤེས་དྲོད།། ཅི་ཡང་མཐོང་ལ་མེད་རྟོགས་ན།། མ་མཐོང་གནས་ན་མཐོང་བ་རུ།། མཐོང་ན་འགག་ཅིང་བལྟས་ན་སྐྱེ།། ཤེས་རབ་ཡེ་ཤེས་འོད་པོ་ཆེ།། ཅི་དགར
49a4 གཞག་ན་བདེ་བ་འགོག། ཡེ་ཤེས་རྒྱ་མཚོ་ཡེ་གསལ་ལ།། སངས་རྒྱས་སྒོམ་པར་མི་མཛད་དོ།། དེ་ལ་གཉེན་པོ་ཡོད་དམ་ཅི།། རིགས་པས་སྟོན་པ་འཆིང་བའི་ནད།། འདས་དང་མ་བྱོན་ད་ལྟར་གྱི།།
49a5 བདེ་བ་དེ་ནི་སྟོན་མཛད་དམ།། རྡོ་རྗེ་སེམས་དཔའ་ཁྱོད་ཉིད་ཀྱིས།། བསྟན་པར་ནུས་སམ་འོན་ཏེ་ཅི།། བསྐད་དུ་མེད་པས་བརྗོད་དང་བྲལ།། བསྒྲུབ་ཏུ་མེད་པས་དཔེ་དང་བྲལ།། མཚོན་དུ་མེད་པས
49a6 ཚིག་ལམ་ཆད།། ལྷན་ཅིག་སྐྱེས་པས་བསྒྲུབ་ཏུ་མེད།། མངོན་དུ་གྱུར་པས་བསྒོམ་དུ་མེད།། དབྱང་དུ་མེད་པས་བཅོས་དང་བྲལ།། ཀ་མ་ཡེངས་བྲི་ཡིས་རྟོགས་པའོ།། བསྒོམ་པའི་ལེའུ་འདི་བཤད་པའི
49a7 ཚེའཆད་པའི་སྐྱེས་བུ་ཉིད་ཀྱང་ནི།། བརྒྱལ་ནས་ས་ལ་འགྱེལ་གྱུར་ཏེ།། ལྷ་མིན་རིག་སྔགས་འཆང་བ་རྣམས། སོ་སོར་བྱེར་ཏེ་དེངས་པར་གྱུར།། ལྷ་ཡི་བུ་བོ་སྟོང་ཕྲག་ནི།། ཆོས་ལ་རྡུལ་མིག་རྣམ་པར
iiif viewer powered by OpenSeadragon
