| e-texts navigator |
| Wylie |
48a1 ཚོམ་བུ་སྡུད་ཅིང་རིག་པ་ཡིས།། ཡེ་ཤེས་གཞན་ལ་འཆད་ཅིང་སྟོན།། འཆི་འཕོས་དུར་ཁྲོད་ས་ག་ཡི།། སྤང་འཚོང་མ་ཡི་སྲིན་བུར་སྐྱེས།། འཇིག་རྟེན་ཁམས་གཞན་སེམས།
48a2 དམྱལ་དུ།། ཤིན་ཏུ་འཚེད་ཅིང་འབོད་པར་འགྱུར།། བྲིག་ཤའི་དྲུང་ན་ཨ་ཀོ་ཏ། བཀའ་ཡི་བསྒོ་བ་རྣམ་པར་བྱེད།། ཁ་སྦྱོར་བ་ནི་ཡེ་ཤེས་ཞེས།། བཞིན་བཟང་མ་ལ་ལེགས་པར་དགོད།། ཚེ་འཕོས་ནས་ནི
48a3 ངུ་འབོད་སྐྱེས།། འཆད་པའི་སྐྱེས་བུ་དེ་ཕྱིར་ངས།། ཁྱོད་ཀྱིས་འདྲི་བ་བསྟན་པར་བྱ།། སེམས་ཀྱི་རང་བཞིན་མ་བཅོས་པ།། མི་རྟོག་ལྟ་བ་མི་དམིགས་ཤེས།། མི་གཡོ་ངོ་བོ་མི་འདའ་འམ།། དེ་སྐད་གསུངས་ནས་མི
48a4 སྣང་གྱུར།། འདྲི་བའི་རྟོག་པ་དང་པོ་ཆོད།། འཆད་པའི་སྐྱེས་བུས་ཡང་གསོལ་བ།། འགྲོ་བའི་བླ་མ་གཉེན་གཅིག་པུ།། དམ་ཕོག་པ་ནི་ཇི་ལྟར་ལགས།། དབང་གི་རང་བཞིན་ཇི་ལྟར་ལགས།། རྟོག་པ་གཉིས
48a5 པ་དྲིས་པ་ལས།། ལྟ་བའི་ལེའུ་སྟེ་གཉིས་པའོ།། །། ལྷན་ཅིག་སྐྱེས་པའི་བདེ་བ་ཡི།། གང་ལ་མིང་དེ་སྐད་བྱ་ཡི།། ཏིང་ངེ་འཛིན་ལ་སྙོམས་པར་ཞུགས།། མཚོན་པའི་དཔེ་ནི་འདི
48a6 སྐད་གསུངས།། མག་པོ་བརྩེགས་པ་བད་བ་ཏི།། ཀྲི་ཏ་དང་ནི་ཀང་ཀ་དང་།། ངག་དང་གླང་པོ་གཞོན་ནུ་མ། རྫ་བ་ཆུ་ཤེལ་གྲང་སེང་དག་ཨོཾད་ཆུ་བོ་གསུམ་འདྲེས་དང་།། གསེར་དང་ནམ་མཁའ
48a7 མེ་གསུམ་པ་བཅུ་བཞིར་ཤེས་པར་བྱ།། དེ་བཞིན་ཉིད་ལྡན་དམ་པ་སྟེ།། དེ་ལས་གང་ཞིག་འདའ་བྱེད་པ།། དམྱལ་བར་ཡང་དག་འཚེད་པར་བཤད།། ཨེ་མའི་རང་རིག་གལ་ཆེན་པོ།། ནམ་མཁའི་སྤྲིན་ལ
iiif viewer powered by OpenSeadragon
