| e-texts navigator |
| Wylie |
44a1 པ་ཐམས་ཅད་ཀྱི་དེ་ཁོ་ན་ཉིད་བཙུན་མོའི་བྷ་ག་ལ་བཞུགས་པའི་དུས་སུ། རིགས་སྒྱུར་མའི་དབང་དུ་མཛད་དེ། ཐམས་ཅད་ཀྱིས་ལྷའི་ཕྱི་ནང་གི་གསང་བ་བླ་ན་མེད་པའི་མཆོད་པས།
44a2 མཆོད་པའི་དུས་སུ། བྱང་ཆུབ་སེམས་དཔའ་བྱམས་པས་བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ཏེ། ཐལ་མོ་སྦྱར་ཏེ་གསོལ་པ། མགོན་པོ་ཐུགས་རྗེ་ཆེ་ལྡན་པ།། དེ་ཉིད་དོན་དམ་གང་ཡིན།
44a3 པ།། དཔལ་དང་རྡོ་རྗེའི་དོན་དང་ནི།། དྲ་བ་སྡོམ་པ་རྒྱུད་ཀྱི་དོན་ངེས་བསྟན་སྡོམ་པ་གང་ཡིན་པ།། དེ་ཉིད་བདག་ལ་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། བྱམས་པ་ལ་སོགས
44a4 འཁོར་རྣམས་ཀུན།། ཕྱི་རོལ་དོན་ལ་ཡེངས་པའི་སེམས།། ནང་དུ་བསྡུས་ལ་རྩེ་གཅིག་ཉོན།། དཔལ་ལྡན་ཡེ་ཤེས་གཉིས་མེད་དོ།། དེ་ཉིད་མཆོད་པའི་འོས་ཡིན་ལ།། གཉིས་མེད་བདེ་བས
44a5 མཆོད་པར་བྱ།། རྡོ་རྗེ་ཞེས་བྱ་ཡེ་ཤེས་ལྔ།། གཟུང་འཛིན་རྟོགས་པས་མི་ཕྱེད་ཕྱིར།། རྡོ་རྗེ་ཞེས་ནི་བསྟན་པ་ཡིན།། དེ་ཉིད་དོན་ལ་རྩེ་གཅིག་པས།། ཆོས་སྐུ་རྡོ་རྗེ་འཆང་ཆེན་པོའི།། ས་ནི་ངེས
44a6 པར་ཐོབ་པའོ།། དྲ་བ་ཞེས་པ་མང་པོའི་དོན།། ཀུན་རྫོབ་གཞན་རིག་ཏུ་བསྟན་པས།། གྲངས་མང་རྒྱ་ཆེར་བསྟན་པ་ནི།། ནམ་མཁའ་དང་མཚུངས་སྡོམ་པའི་དོན།། ནམ་མཁའ་དང་མཚུངས
44a7 རང་རིག་ནི།། སེམས་ཀྱི་དེ་ཉིད་སྟོང་པའོ།། སྐད་ཅིག་དེ་ཉིད་རྒྱུད་ཉིད་ལ།། རྒྱུད་ཅེས་བྱ་བར་བསྟན་པ་ཡིན།། དཔལ་རྡོ་རྗེ་བའི་སྡོམ་པའི་རྒྱུད་ལས།། མཚན་གྱི་རྒྱུད་བསྟན་པའི་ལེའུ་སྟེ་དང་བའོ།།
iiif viewer powered by OpenSeadragon
