| e-texts navigator |
| Wylie |
39a1 དམ་ཚིག་ཉམས་པ་དེ་དང་འདྲ།། དཔེར་ན་འཁོར་ལོ་སྒྱུར་བའི་རྒྱལ་པོ་དང་།། བྲལ་བའི་རིན་ཆེན་བདུན་པོ་དེ་དག་གིས།། འཁོར་ལོ་སྒྱུར་བའི་མིང་ནི་མི་ཐོབ་བཞིན།། ཐ་མའི་ཞལ།
39a2 ནས་ཐམས་ཅད་ཤེས་པར་བྱ།། དེ་ནས་སངས་རྒྱས་སེམས་ཅན་ཡང་།། རྡུལ་ཙམ་ཁྱད་པར་མེད་མོད་ཀྱང་།། རང་རིག་གཞན་རིག་རྐྱེན་དག་ཀྱང་།། རང་སེམས་ལས་སུ་རུང་བ་དང་།། མ་རུང་བ་དང
39a3 ལས་ཀྱི་མཐའ།། ལོག་པ་དང་ནི་མ་ལོག་པ།། དོན་བྱེད་ནུས་དང་མི་ནུས་པ།། ཡོངས་སུ་རྫོགས་དང་མ་རྫོགས་དང་།། སངས་རྒྱས་སེམས་ཅན་གཉིས་སུ་སྣང་།། ཐ་དད་པར་ནི་མི་བརྟག་སྟེ།། ཆུ
39a4 ཁམས་གསེར་དང་ནམ་མཁའ་བཞིན།། རང་བཞིན་གྱིས་ནི་དག་པར་འདོད།། རང་སེམས་རང་གིས་རྟོགས་པས་ན།། སེམས་ཅན་གདོད་ནས་སངས་རྒྱས་སོ།། རྡོ་རྗེ་ཕག་མོས་ཡང་ཞུས་པ།། སྲོག
39a5 གཅོད་ལ་སོགས་དམ་ཚིག་ལ།། དབྱེ་བ་ཁྱོད་ཀྱིས་བདག་ལ་གསུངས།། བཅོམ་ལྡན་འདས་ཀྱིས་བཀའ་སྩལ་པ།། རང་གི་ལུས་ངག་སེམས་གཡོས་ཀྱང་།། གསོད་པའི་འདུ་ཤེས་མ་སྐྱེས་ན།། སྲོག
39a6 གཅོད་ཉམས་པ་ཆུང་བར་ངེས།། གཞན་གྱིས་གནོན་པར་ཚོར་བ་དག། ཉམས་པ་འབྲིང་དུ་གསུངས་པ་ཡིན།། དེ་ལས་བཟློག་པ་ཆེན་པོར་ངེས།། གང་ཞིག་མ་བྱིན་ཆུང་བླངས་ཀྱང་།། གཞན་ལ
39a7 ཉོན་མོངས་ཆེར་སྐྱེས་ན།། དེ་ཉིད་ཉམས་པ་འབྲིང་དུ་ངེས།། ཚེར་ཐངས་ཉོན་མོངས་ཆུང་ན་འབྲིང་།། ཆེན་པོ་ལས་ནི་ཉོན་མོངས་ཆེར།། དེ་ནི་ཆེན་པོ་ཁོ་ནར་ངེས།། ཚུལ་འཆོས་ལྟུང་བ་ཆེན་པོ་སྟེ།། མི
iiif viewer powered by OpenSeadragon
