| e-texts navigator |
| Wylie |
15b1 གསུང་དམ་ཚིག་དེ་དང་འདྲ།། སྲོག་གཅོད་དམ་ཚིག་ཉམས་གྱུར་ན།། བརྫུན་དང་མ་བྱིན་ལེན་པ་དང་།། འདོད་ཆགས་དམ་ཚིག་དེ་དང་འདྲ།། ལྟ་བའི་དམ་ཚིག་ཉམས་གྱུར་ན།། སྤྱོད་པའི་དམ་ཚིག་དེ་དང་།
15b2 འདྲ། ཚུལ་འཆོས་མི་དགེ་མོས་པ་ཙམ།། དམ་ཚིག་ཉམས་པ་དེ་དང་འདྲ།། དཔེར་ན་འཁོར་ལོ་སྒྱུར་བའི་རྒྱལ་པོ་དང་།། བྲལ་བའི་རིན་ཆེན་བདུན་པོ་དེ་དག་གིས།། འཁོར་ལོ་སྒྱུར་བའི་མིང་ནི་མི་ཐོབ
15b3 བཞིན།། བླ་མའི་ཞལ་ནས་ཐམས་ཅད་ཤེས་པར་བྱ།། དེ་ནས་སངས་རྒྱས་སེམས་ཅན་ཡང་།། རྡུལ་ཙམ་ཁྱད་པར་མེད་མོད་ཀྱང་།། རང་རིག་གཞན་རིག་རྐྱེན་དག་དང་།། རང་སེམས་ལས་སུ
15b4 རུང་བ་དང་།། མ་རུང་བ་དང་ལས་ཀྱི་མཐའ།། ལོག་པ་དང་ནི་མ་ལོག་པ།། དོན་བྱེད་ནུས་དང་མི་ནུས་པ།། ཡོངས་སུ་རྫོགས་དང་མ་རྫོགས་པས།། སངས་རྒྱས་སེམས་ཅན་གཉིས་སུ་སྣང་།།
15b5 ཐ་དད་པར་ནི་མི་རྟག་སྟེ།། ཆུ་ཁམས་གསེར་དང་ནམ་མཁའ་བཞིན།། རང་བཞིན་གྱིས་ནི་དག་པར་འདོད།། རང་སེམས་རང་རིག་རྟོགས་པ་ན།། སེམས་ཅན་གདོད་ནས་སངས་རྒྱས་སོ།།
15b6 རྡོ་རྗེ་ཕག་མོས་ཡང་ཞུས་པ།། སྲོག་གཅོད་ལ་སོགས་དམ་ཚིག་གི། དབྱེ་བ་ཁྱེད་ཀྱིས་བདག་ལ་གསུངས།། བཅོམ་ལྡན་འདས་ཀྱིས་བཀའ་སྩལ་པ།། རང་གི་ལུས་ངག་སེམས་གཡོས་ཀྱང་།
15b7 གསོད་པའི་འདུ་ཤེས་མ་སྐྱེས་ན།། སྲོག་གཅོད་ཉམས་པ་ཆུང་ངུར་ངེས།། གཞན་གྱིས་གནོད་པར་ཚོར་བ་དག། ཉམས་པ་འབྲིང་དུ་གསུངས་པ་ཡིན།། དེ་ལས་བཟློག་པ་ཆེན་པོར་ངེས།། གང་ཞིག
iiif viewer powered by OpenSeadragon
