| e-texts navigator |
| Wylie |
15a1 བཅོས་མ་ཉེ་བར་བཅོས་མ་དང་།། འདྲ་བ་ཡིན་པ་ལྟ་བུ་ཡི།། དབང་བཞིས་གྲོལ་བར་མི་འགྱུར་ཏེ། ལོག་པའི་སྲེད་པས་སྲེད་པར་འཆིང་།། འཁྲུལ་པའི་འཁོར་ལོས
15a2 འཁོར་བར་འཁོར།། དེ་བས་དངོས་གྲུབ་འདོད་པས་ཀྱང་།། ལྷ་ཡི་བུ་ཡི་བདུད་སྤངས་ཏེ།། ཐ་མ་དམ་པ་རྟག་ཏུ་བསྟེན།། ཡིད་ཆེས་རིག་དང་ངེས་པ་སྐྱེ།། ལུང་གི་ཚད་མ་ཡིན་པ་དང་།། འོག
15a3 མ་སྤངས་ཤིང་གོང་མ་ཐོབ།། མན་ངག་ཚད་མ་ཡིན་པ་བླང་།། མོས་པའི་རྗེས་སུ་འབྲང་བྱེད་ཅིང་།། ཆེ་བའི་ང་རྒྱལ་ལ་གནས་ཤིང་།། འཇིག་རྟེན་ལྟར་སྤྱོད་དང་འདྲེས་པའི།། སྣོད་བཅུད་བླང་བར
15a4 མི་བྱའོ།། དེ་ནས་གཙོ་འཁོར་བྱེ་བྲག་ཀྱང་།། གནས་ཀྱི་ཁྱད་པར་དབུས་སུ་སྟེ།། རྒྱན་གྱི་ཁྱད་པར་ཐར་པའོ།། རིགས་ཀྱི་ཁྱད་པར་དྲུག་པའི་རིགས།། དེ་ནས་གཙོ་འཁོར་བྱེ་བྲག་ཀྱང་།།
15a5 ཕྱག་དང་ཞབས་སོགས་ཁྱད་པར་གྱིས།། གཙོ་བོ་འཁོར་ལས་ཁྱད་པར་འཕགས།། དཔེར་ན་ཕ་རོལ་ཕྱིན་དྲུག་ལས།། ཤེས་རབ་ཕ་རོལ་ཕྱིན་མེད་ན།། ཕ་རོལ་ཕྱིན་པ་ལྔ་དག་གིས།། ཕ་རོལ
15a6 ཕྱིན་པའི་མིང་མི་ཐོབ།། དཀྱིལ་འཁོར་དབུས་སུ་གང་གནས་པའི།། དེ་ཉིད་ཀྱི་ནི་དཀྱིལ་འཁོར་ཏེ།། གང་ཞིག་དབུས་སུ་མི་གནས་ན།། འཁོར་རྣམས་དཀྱིལ་འཁོར་དུ་མི་འགྱུར།། དཔེར་ན་རྒྱལ་པོ
15a7 མེད་པ་ཡི།། གྲོང་དང་གྲོང་ཁྱེར་ཇི་བཞིན་ནོ།། དེ་བཞིན་དམ་ཚིག་བྱེ་བྲག་ཀྱང་།། རྩ་བའི་དམ་ཚིག་ཉམས་གྱུར་ན།། ཡན་ལག་དམ་ཚིག་དེ་དང་འདྲ།། ཐུགས་ཀྱི་དམ་ཚིག་ཉམས་གྱུར་ན།། སྐུ
iiif viewer powered by OpenSeadragon
