| e-texts navigator |
| Wylie |
506a1 ཚིག་ཆེན་པོའི་རྒྱུད་ཀྱི་རྒྱལ་པོ་ཞེས་བྱ་བ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན
506a2 གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་བཙུན་མོའི་བྷ་གཱ་ལ་སྙོམས་པར་ཞུགས་སོ།། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྙིང་པོ་དང་། རྣལ་འབྱོར་མ་གྲངས་མེད་པའི་ནང་།
506a3 ནས་བྱང་ཆུབ་སེམས་དཔའ་རྡོ་རྗེ་སྙིང་པོ་ལ་ཞལ་འཛུམ་པ་མཛད་ནས། དམ་ཚིག་གི་རིམ་པ་བཀའ་སྩལ་པ། དམ་ཚིག་དང་ནི་མི་ལྡན་ན།། བསྒྲུབས་ཀྱང་འགྲུབ་པར་མི་འགྱུར་ཏེ།། རྒྱུ་མེད་པ་ཡི་འབྲས
506a4 བུ་བཞིན།། ཚེ་ཡི་དུས་བྱས་དམྱལ་བར་འགྲོ།། དེ་ཕྱིར་དམ་ཚིག་ཤིན་ཏུ་བསྲུང་།། སངས་རྒྱས་བླ་མ་ལས་ཐོབ་ཕྱིར།། ཐུན་མོང་མ་ཡིན་བླ་མ་ཡི།། ལྔ་བཅུའི་བདག་ཉིད་བསྲུང་བར་བྱ།། ཐུན་མོང་བརྒྱད་དང་བཅུ
506a5 བཞི་སྟེ།། དེ་རྣམས་ངེས་པས་ཤེས་པར་བྱ།། དེ་རྣམས་སྤྱི་ཡི་དམ་ཚིག་སྟེ།། བྱེ་བྲག་དམ་ཚིག་བསྲུང་བར་བྱ།། ཕུང་པོ་ལྔ་ནི་རིགས་ལྔ་སྟེ།། འབྱུང་བ་ལྔ་ནི་ཡུམ་ལྔའོ།། སྐྱེ་མཆེད་སེམས་དཔའ་སེམས་མ།
506a6 ཡིན།། གཟུགས་ཕུང་རྣམ་པར་སྣང་མཛད་ལ།། བརྗེད་དང་བརྙས་པ་ལ་སོགས་སྤོང་།། དེ་ལ་མཆོད་དང་བསྟོད་སོགས་བྱ།། དོན་དམ་པར་ནི་རང་རིག་སྟེ།། ཚོགས་བསགས་ཕྱིར་ནི་ང་ཡིས་གསུངས།། ཚོར།།
506a7 བལ་སོགས་དེ་དང་འདྲ།། ས་ནི་སངས་རྒྱས་སྤྱན་ཡིན་ཏེ།། སྤྱོད་ལམ་གསུམ་དུ་མ་ཡེངས་ཤིག། གོང་དུ་གསུངས་པའི་ཚུལ་བཞིན་བསྲུང་།། ཆུ་ལ་སོགས་པ་དེ་བཞིན་ནོ།། མིག་ལ་སོགས་པ་དེ་བཞིན་ནོ།། གཟུགས།
iiif viewer powered by OpenSeadragon
