| e-texts navigator |
| Wylie |
498a1 སྔགས།། མ་ནི་ཡེ་ཤེས་ཡ་གསང་བ།། ཨེ་ནི་སྣང་བ་བཾ་སྣང་མཆེད།། མ་ནི་སྣང་ཐོབ་ཡ་འོད་གསལ།། ཨེ་ནི་བདག་གི་བཟང་པོ་ཡིན།། བཾ་ནི་དུས་ཀྱི་བཟང་པོ་ཡིན།།
498a2 མ་ནི་ཡེ་ཤེས་བཟང་པོར་གསུངས།། ཡ་ནི་རླུང་གི་བཟང་པོ་ཡིན།། ཨེ་ནི་བདག་གི་གནས་ཡིན་ཏེ།། བི་ནི་རྣལ་འབྱོར་གནས་སུ་བསྟན།། མ་ནི་གཞན་གྱི་གནས་ཡིན་ཏེ།། ཡ་ནི་རྒྱུད་ཀྱི་གནས་ཡིན།།
498a3 ནོ།། ཨེ་ནི་དགའ་བ་བཾ་མཆོག་དགའ།། མ་ནི་ལྷན་ཅིག་ཡ་དགའ་བྲལ།། ཨེ་ནི་མེ་ལོང་བཾ་མཉམ་ཉིད།། མ་ནི་ཀུན་རྟོགས་ཡ་ནན་ཏན།། ཨེ་ནི་ཆོས་སྐུ་བཾ་ལོངས་སྤྱོད།། མ་ནི་སྤྲུལ་སྐུ་ཡ་བདེ་ཆེན།
498a4 ཨེ་ནི་ཞི་བ་བཾ་ནི་དབང་།། མུ་ནི་རྒྱས་པ་ཡ་གསོད་པ།། ཡི་གེ་བཏུས་པའི་སྔགས་ཚན་གསུམ།། ཨོཾ་ནི་སྐུ་ཡི་འཁོར་ལོ་སྟེ།། ཨཱཿནཱི་ཆོས་གསུང་འཁོར་ལོའོ།། ཧཱུ~ཾ་ནི་ཐུགས་ཀྱི་འཁོར་ལོ་ཡིན།། ཨོཾ་ནི
498a5 རྣམ་སྣང་ཨཱཿའོད་དཔག་མེད།། ཧཱུཾ་ནི་མི་བསྐྱོད་རང་བཞིན་ནོ།། ཨོཾ་ནི་ཕྱག་གཡོན་ཧཱུཾ་ནི་གཡས།། ཨཱཿནི་དབུས་ཀྱི་སྙིང་ཀ་ཡིན།། ཨོཾ་ནི་གཡོན་གྱི་སྤྱན་ཡིན་ཏེ།། ཧཱུཾ་ནི་གཡས་པ་ཨཱཿདབུས་མ།། ཨོཾ་ནི
498a6 སྲོག་ལ་ཧཱུཾ་རྩོལ་བ།། ཨཱཿནི་གནས་པར་ཤེས་པར་བྱ།། ཨོཾ་ནི་སྐུ་ལ་ཧཱུ~ཾ་ནི་ཐུགས།། ཨཱཿནི་གསུང་དུ་ཤེས་པར་བྱ།། ཨོཾ་ནི་ལུས་ལ་ཨཱཿནི་ངག། ཧཱུཾ་ནི་ཡིད་དུ་ཤེས་པར་བྱ།། ཨོཾ་ནི་ཐབས་ལ་ཧཱུཾ་ཤེས་རབ།
498a7 ཨཱཿནི་གཉིས་སུ་མེད་པའོ།། ཨོཾ་ནི་གཡོན་གྱི་ལ་ལ་ནཱ།། ཨཱཿནི་ཨ་བ་དྷཱུ་ཏཱི་ཡིན།། ཨོཾ་ནི་གཡས་ཀྱི་ར་ས་ནཱ།། ཧཱུ~ཾ་ནི་གཡོན་གྱི་ལ་ལ་ནཱ།། ཨཱཿནི་དེ་བཞིན་དབུས་ན་གནས།། ཨོཾ་ནི་ག་པུར་ཧཱུཾ་སིཧླ།། ཨཱཿནི་དཀར
iiif viewer powered by OpenSeadragon
