| e-texts navigator |
| Wylie |
492a1 གསུམ་བླ་མའི་ཞལ་ལས་ཤེས།། སྣོད་མིན་གསང་བ་སྒྲོགས་པ་དང་།། མར་དང་ཁ་ར་ལ་སོགས་པ།། འཐུངས་ཏེ་མ་ཞུ་དུག་འགྱུར་བཞིན།། ཁྱད་པར་བདུད་ཀྱིས་ཟིན་པ
492a2 སྟེ། རིགས་ངན་རྒྱལ་ས་འཛིན་པ་འདྲ།། དབང་དང་གདམ་ངག་འབྲེལ་བཅས་པའི།། བདུད་འཇོམས་ལམ་གྱི་སྟོབས་དང་ལྡན།། ཡེ་ཤེས་ལྔ་འམ་ཡོན་ཏན་དྲུག། ལྡན་པ་དག་ཏུ་རབ་ཏུ་གྲགས།།
492a3 བླ་མ་གཅིག་ལ་སྣོད་བཅུད་གཉིས།། ཐོབ་ན་དེ་ཉིད་དམ་པ་སྟེ།། བླ་མ་གཅིག་ལ་དབང་ཐོབ་ནས།། བླ་མ་གཅིག་ལ་མཉན་པར་བྱ།། བླ་མ་རྣམ་པ་གཉིས་སུ་གསུངས།། ཕྱི་ཡི་བླ་མ་དེ་ཉིད་དེ།། ནང་གི་བླ་མ།
492a4 བདག་པོའི་ལྷ།། བདུད་དང་དགྲ་ཡི་སྡེ་རྣམས་ཀུན།། ཐམས་ཅད་འཇིགས་ཤིང་སྐྲག་བྱེད་པས།། འཇིགས་པ་ཞེས་ནི་གསུངས་པ་སྟེ།། དགྲ་དང་བདུད་ཀྱི་གཡུལ་ལས་རྒྱལ།། དམིགས་པ་ལྷ་སོགས་བདུན
492a5 དང་ལྡན།། དེ་ཕྱིར་ཆེན་པོ་ཞེས་ནི་གསུངས།། དེའི་ཚེ་འཁོར་འདུས་པ་དེ་དག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོ་དང་། ཐམས་ཅད་རྒྱུད་ལ་དགའ་ཞིང་མགུ་ནས་རྗེས་སུ་མི།
492a6 རང་བར་གྱུར་ཏོ།། དཔལ་ནམ་མཁའ་ཆེན་པོའི་རྒྱུད་ཀྱི་རྒྱལ་པོ་རྫོགས་སོ།། ། རྒྱ་གར་གྱི་མཁན་པོ་ག་ཡ་དྷ་ར་དང་། ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།།
492a7 རྒྱ་གར་སྐད་དུ། ཤྲཱི་ཀཱ་ཡ་བཱ་ཀཱིཏྟ་ཏནྟྲ་རཱ་ཛ། བོད་སྐད་དུ། དཔལ་སྐུ་གསུང་ཐུགས་ཀྱི་རྒྱུད་ཀྱི་རྒྱལ་པོ། དཔལ་རྡོ་རྗེ་སེམས་དཔའ་ལ་ཕྱག་འཚལ
iiif viewer powered by OpenSeadragon
