| e-texts navigator |
| Wylie |
472a1 རྣམ་རྟོག་ཡང་།། བླ་མའི་ཞལ་ལས་ཤེས་པར་བྱ།། གཉེན་པོའི་སྟོབས་ནི་ཡོངས་སུ་རྒྱས།། ཤིང་རྣམས་རིམ་བཞིན་རྟག་ཏུ་དགོད།། རྣམ་རྟོག་མི་དགེ་བཅུ་ཡི་དོན།
472a2 འཇོམས་པའི་རྟགས་སུ་ཕྱོགས་སྐྱོང་དགོད།། འདོད་ཆགས་ཞེ་སྡང་མ་རིག་པ།། གདུག་པ་འཇོམས་ཕྱིར་ཀླུ་བརྒྱད་དགོད།། ཐུགས་རྗེ་ཆེན་པོ་དང་ལྡན་པ།། གཟུགས་སྐུ་གཉིས་ཀྱི་ང་རྒྱལ་གྱིས།། ལུས
472a3 དང་ངག་གིས་སེམས་ཅན་གྱི།། དོན་མཛད་ཕྱིར་ནི་ཆར་སྤྲིན་མདོག། ནང་དང་གསང་བ་དེ་བཞིན་ནོ།། དེ་བཞིན་མཐར་ཐུག་བཞི་པ་ཡང་།། སྙན་ནས་བརྒྱུད་པ་ཤེས་པར་བྱ།། དེ་ནས་ནང་དུ་གཞལ་ཡས
472a4 ཁང་།། བྲུཾ་ལས་འཁོར་ལོ་རྩིབས་བརྒྱད་དེ།། རྩིབས་བརྒྱད་རྣམ་ཤེས་བརྒྱད་ཀྱི་དངོས།། ཡོངས་སུ་གྱུར་པས་རྣམ་སྣང་སྐུ།། ཕྱི་ནས་བལྟས་པས་ནང་དུ་གསལ།། དེ་བཞིན་ནང་ནས་ཕྱི་རུ་གསལ།།
472a5 ཐམས་ཅད་གཅིག་ཏུ་སྣང་བའི་དོན།། རིན་ཆེན་སྣ་ལྔ་སྐུ་ལྔའི་དོན།། ཁ་དོག་ལྔ་ནི་རིགས་ལྔའི་དོན།། གྲུ་བཞི་ཚངས་པའི་གནས་བཞིར་གསུངས།། ལོགས་བཞི་བསྡུ་བའི་དངོས་པོ་སྟེ།། སྒོ་བཞི་དྲན་པ
472a6 ཉེར་གཞག་བཞི།། ཀ་བ་བརྒྱད་ནི་རྣམ་ཐར་བརྒྱད།། གདུང་བཞི་ཡེ་ཤེས་བཞི་ཡི་དོན།། ཏཱ་ར་ཎ་ལ་སོགས་པ་ཀུན།། སྟོབས་ལ་སོགས་པ་ཡིན་པར་གསུངས།། དེ་ནས་ནང་དུ་གདན་རྣམས་ནི།། པདྨའི་ས།
472a7 བོན་དབྱངས་ལས་སྐྱེ།། འདོད་ཆགས་ལ་སོགས་ཉོན་མོངས་ཀྱིས།། མ་གོས་རྟགས་སུ་པདྨའི་གདན།། དེ་སྟེང་ཉི་མ་ཟླ་བ་སྟེ།། ཐབས་དང་ཤེས་རབ་གཉིས་ཀྱི་བརྡ།། དང་པོ་རེ་ནི་ང་བདག་གམ།། རྣམ
iiif viewer powered by OpenSeadragon
