| e-texts navigator |
| Wylie |
471b1 དྲི་མེད་ཀྱིས།། རང་བཞིན་གྱིས་ནི་ཀུན་ལ་ཁྱབ།། དེ་ཕྱིར་རྒྱ་ཆེན་དགོངས་པའི་དོན།། འཕགས་པ་ཉན་ཐོས་རང་རྒྱལ་དང་།། བྱང་ཆུབ་སེམས་དཔའ་རྣམས་ཀྱིས་ཀྱང་།། ཆོས་སྐུ་རྟོགས་པ་མ་ཡིན་པས།
471b2 གཏིང་རིང་བ་རུ་དགོངས་པས་བཤད།། དེ་ནས་ཐུགས་ཁའི་བྷྲཱུཾ་ལས་ཡང་།། ཧཱུཾ་འཕྲོས་པ་ལས་རྡོ་རྗེར་གྱུར།། རྡོ་རྗེ་གུར་དུ་གྱུར་པ་ཡང་།། དང་པོ་ཆེ་ཡི་བར་ཆོད་དང་།། གཉིས་པ་ཐར་པའི་བར་ཆོད་དེ།
471b3 བགེགས་ནི་རྣམ་པ་གཉིས་ཡིན་ཏེ།། ཕྱི་ཡི་བགེགས་དང་ནང་གི་བགེགས།། ཕྱི་ཡིས་ཚེ་ཡི་བར་ཆོད་བྱེད།། ནང་གིས་ཐར་པའི་བར་ཆོད་བྱེད།། བར་ཆོད་རྣམ་པ་གཉིས་བསྲུང་བས།། རྡོ་རྗེ་གུར་གྱི་དགོངས
471b4 པའི་དོན།། ཡཾ་ལས་བྱུང་བའི་གོང་དང་འདྲ།། དབྱིབས་ནི་ཟླ་གམ་ལྟ་བུ་སྟེ།། རྣམ་པར་རྟོག་པ་སྤོང་བ་དང་།། མི་རྟོག་པ་ནི་སྐྱེ་བ་ལ།། དབང་དུ་བྱེད་པས་དབང་གི་དོན།། བ་དན་བཞི་ཡི་དགོངས་པ་ཡང་།།
471b5 ཆོས་རྣམས་དུས་གསུམ་གནས་པ་ཡི།། དགོངས་པ་ཡིན་པའང་ང་ཡིས་གསུངས།། རཾ་ལས་མེ་ཡི་དཀྱིལ་འཁོར་ནི།། ཟུར་གསུམ་དྲག་པོའི་དགོངས་པ་ཡིན།། རྡོ་རྗེ་རྩེ་གསུམ་སྐུ་གསུམ་དོན།།
471b6 ལས་ཆུ་ཡི་དཀྱིལ་འཁོར་ཏེ།། ཟླུམ་པོ་སྤྲོས་པ་ཞི་བར་གསུངས།། བུམ་པ་ཆོས་སྐུའི་ཡན་ལག་བཞི།། ལཾ་ལས་གསེར་གྱི་ས་གཞི་སྟེ།། གྲུ་བཞི་རྒྱས་པའི་རང་བཞིན་ཏེ།། རྡོ་རྗེ་རྩེ་ལྔ་ཡེ་ཤེས
471b7 ལྔ་འདི་སྟང་རི་རབ་རྩེ་མོ་བརྒྱད།། རྣམ་ཐར་བརྒྱད་ཀྱི་དགོངས་པ་ཡིན།། སྣོད་བཅུད་རྣམ་རྟོག་མི་མངའི་རྟགས།། དུར་ཁྲོད་བརྒྱད་ནི་གཡས་དང་གཡོན།། གོ་རིམས་བཞིན་དུ་དགོད་པར་བྱ།། རེ་རེའི་བྱེ་བྲག
iiif viewer powered by OpenSeadragon
