| e-texts navigator |
| Wylie |
471a1 སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་བཙུན་མོའི་བྷ་ག་ལ་སྙོམས་པར་ཞུགས
471a2 སོ།། དེ་ནས་བྱང་ཆུབ་སེམས་དཔའ་རྡོ་རྗེ་སྙིང་པོ་ལ་སོགས་པའི་འཁོར་རྣམས་ཀྱིས་གཡོན་ཕྱོགས་ནས་བསྐོར་བ་ལན་གསུམ་བྱས་ནས་ཕྱི་ནང་གསང་བའི་མཆོད་པས་མཆོད་ནས་འདི་སྐད་ཅེས
471a3 གསོལ་ཏོ།། ཀྱེ་ཧོ་བཅོམ་ལྡན་རྡོ་རྗེ་འཛིན།། གསང་བ་ཞེས་པ་ཇི་ལྟར་ལགས།། དེ་ཡི་གཅོད་པ་ཇི་ལྟར་ལགས།། རྒྱུད་ཀྱི་དོན་ནི་ཇི་ལྟར་ལགས།། དེ་ཡི་རྒྱལ་པོའང་ཇི་ལྟར་ལགས།།
471a4 བཅོམ་ལྡན་འདས་ཀྱིས་བཀའ་སྩལ་པ།། གསང་བ་ཞེས་པ་རྣམ་པ་བཞི།། དང་པོ་བུམ་དབང་དང་འབྲེལ་བའོ།། བསྐྱེད་པའི་རིམ་པའི་རྣལ་འབྱོར་ཏེ།། རྟེན་དང་བརྟེན་པར་སྒོམ་པ་ནི།། སྣོད
471a5 བཅུད་གཟུང་འཛིན་རྣམ་རྟོག་རྣམས།། སྤོང་ཕྱིར་ང་ཡིས་གསུངས་པ་ཡིན།། དེ་ཡི་ཁྱད་པར་དགོངས་པའི་དོན།། དང་པོ་སྟོང་ཉིད་ལ་སོགས་པ།། རྒྱུད་གཞན་དུ་ནི་ང་ཡིས་གསུངས།། རྟེན་དང་བརྟེན་པའི
471a6 བྱེ་བྲག་ལ།། དང་པོ་རྟེན་གྱི་དགོངས་པ་ཡང་།། ཐུགས་ཁའི་ཡི་གེ་ཧཱུཾ་ལས་ནི།། མར་མོ་གཅིག་ལས་གཉིས་ཀྱི་ཚུལ།། ཁ་དོག་ནག་པོའི་ཨེ་འཕྲོས་པས།། གྲུ་གསུམ་རྒྱ་ཆེ་གཏིང་རིང་བསམ།། གྲུ་གསུམ་སྐུ
471a7 གསུང་ཐུགས་ཡིན་ཏེ།། དུག་གསུམ་འཇོམས་པ་དགོངས་པའི་དོན།། ལོགས་ནི་རྣམ་ཐར་གསུམ་ཡིན་ཏེ།། ལུས་ངག་ཡིད་གསུམ་ལས་བྱུང་བའི།། མི་དགེ་བཅུ་འཇོམས་དགོངས་པའི་དོན།། ཆོས་ཀྱི་སྐུ་ནི།།
iiif viewer powered by OpenSeadragon
