| e-texts navigator |
| Wylie |
95b1 རིགས་འཇིག་རྟེན་དུ་བྱུང་བའི་གཏན་ཚིགས་ཀྱི་མཆོག་ཡིན་ཏེ། དེ་ཡང་ཆོས་བཞིན་དུ་བྱེད་པ་ཡིན་ཏེ། ཆོས་མ་ཡིན་པས་མ་ཡིན་ནོ།། དེ་ལ་འདི་ནི་རྒྱལ་བའི་དབང་པོ་མཆོག་རྣམས་ཀྱི།
95b2 ཆོས་སོ།། གང་གི་ཚེ་མང་པོས་བཀུར་བ་རྒྱལ་པོ་ཆེན་པོར་གྱུར་པ་དེའི་ཚེ། དེ་ན་མི་རྣམས་ཀྱི་མིང་སེམས་ཅན་སེམས་ཅན་ཞེས་བྱ་བར་གྱུར་ཏོ།། མང་པོས་བཀུར་བའི་བུ་ནི་འོད་མཛེས་ཞེས
95b3 བྱ་བར་གྱུར་ཏོ།། གང་གི་ཚེ་འོད་མཛེས་རྒྱལ་པོར་གྱུར་པ་དེའི་ཚེ་ནི། མི་རྣམས་ཀྱི་མིང་དུ་ཆུ་སྟོད་ཆུ་སྨད་ཅེས་བྱ་བར་གྱུར་ཏོ།། འོད་མཛེས་ཀྱི་བུ་དགེ་བ་ཞེས་བྱ་བར་གྱུར་ཏེ། གང་གི་ཚེ་དགེ
95b4 བ་ཞེས་བྱ་བ་རྒྱལ་པོར་གྱུར་པ་དེའི་ཚེ། མི་རྣམས་ཀྱི་མིང་ཏིལ་ལས་སྐྱེས་ཏིལ་ལས་སྐྱེས་ཞེས་བྱ་བར་གྱུར་ཏོ།། དགེ་བའི་བུ་ནི་དགེ་མཆོག་ཅེས་བྱ་བར་གྱུར་ཏེ། གང་གི་ཚེ་དགེ་མཆོག་རྒྱལ་པོར
95b5 གྱུར་པ་དེའི་ཚེ་ནི་མི་རྣམས་ཀྱི་མིང་ནི་སྤྲིན་མགྲིན་སྤྲིན་མགྲིན་ཅེས་བྱ་བར་གྱུར་ཏེ། དགེ་མཆོག་གི་བུ་ནི་གསོ་སྦྱོང་འཕགས་ཞེས་བྱ་བར་གྱུར་ཏེ། གང་གི་ཚེ་གསོ་སྦྱོང་འཕགས་རྒྱལ་པོར་གྱུར
95b6 པ་དེའི་ཚེ། མི་རྣམས་ཀྱི་མིང་ཏ་ལའི་རྗེ་ངར་ཏ་ལའི་རྗེ་ངར་ཞེས་བྱ་བར་གྱུར་ཏོ།། དེའི་ཚེ་རྒྱལ་པོ་གསོ་སྦྱོང་འཕགས་ཀྱི་སྤྱི་བོར་ཕོལ་མིག་གཅིག་བྱུང་སྟེ། འཇམ་ཞིང་ཤིན་ཏུ་འཇམ་པ་ནི།
95b7 དཔེར་ན་ཤིང་བལ་གྱི་ལ་བ་འམ།། རས་བལ་གྱི་ལ་བ་བཞིན་ཏེ། དེ་ལ་ཅུང་ཟད་ཀྱང་གནོད་པ་མེད་དེ། དེ་སྨིན་ཏེ་བརྡོལ་བ་ལས་ཁྱེའུ་གཟུགས་བཟང་ཞིང་བལྟ་ན་སྡུག་ལ་མཛེས་པ་སྐྱེས་བུ
iiif viewer powered by OpenSeadragon
