| e-texts navigator |
| Wylie |
89a1 རྟེན་དུ་འབྱུང་བར་འགྱུར་རོ།། རྒྱུ་སྐར་རྣམས་དང་། མཚན་མོ་དང་། ཉིན་མོ་རྣམས་དང་། དུས་ཚིགས་དང་། ལོ་རྣམས་དང་། སྐད་ཅིག་དང་། ཐང་ཅིག་དང
89a2 ཡུད་ཙམ་རྣམས་འཇིག་རྟེན་དུ་འབྱུང་བར་འགྱུར་རོ།། དེ་ནས་སེམས་ཅན་དེ་དག་གིས་ཤར་ཕྱོགས་ནས་ཉི་མའི་དཀྱིལ་འཁོར་འཆར་བ་ན། དེ་དག་འདི་སྐད་ལྷའི་འོད་དེ་ཉིད་འདི་རེ། ལྷའི་འོད་དེ་ཉིད
89a3 འདི་རེ་ཞེས་མིང་ཟིན་པར་ཉིན་པར་ཞེས་བྱ་བར་གྱུར་ཏོ།། དེ་ནས་སེམས་ཅན་དེ་དག་གིས་ནུབ་ཕྱོགས་སུ་ཉི་མའི་དཀྱིལ་འཁོར་ནུབ་པ་ན། དེ་དག་འདི་སྐད་དུ། ལྷའི་འོད་དེ་ཉིད་དམར་པོར་གྱུར་པ་འདིརེ།།
89a4 ལྷའི་འོད་དེ་ཉིད་དམར་པོར་གྱུར་པ་འདེ་རེ་ཞེས་ནས། མཚན་མོ་མཚན་མོ་ཞེས་བྱ་བའི་གྲངས་སུ་བགྲང་ངོ་།། དེ་ནས་སེམས་ཅན་དེ་དག་གིས་ཤར་ཕྱོགས་ནས་ཟླ་བའི་དཀྱིལ་འཁོར་འཆར་བ་ན།
89a5 སེམས་ཅན་དེ་དག་འདི་སྐད་དུ། མུན་པ་བཀྲ་བར་བྱེད་དོ་ཞེས་ནས། ཟླ་བ་ཟླ་བ་ཞེས་བྱ་བའི་གྲངས་སུ་བགྲང་ངོ་།། དེ་ནས་སེམས་ཅན་དེ་དག་གིས་ཤར་ཕྱོགས་ནས། ཡང་ཉི་མའི་དཀྱིལ་འཁོ
89a6 འཆར་བ་ན། དེ་དག་གིས་འདི་སྐད་དུ། ལྷའི་འོད་དེ་ཉིད་འཁོར་བ་འདི་རེ་ཞེས་ནས། ཉི་མ་ཉི་མ་ཞེས་བྱ་བའི་མིང་འབྱུང་ངོ་།། དེ་དག་བཟའ་བ་དེ་དང་ཁ་ཟས་དེ་ཟལ་ཚེ་རིང་ཞིང་ཡུན་རིང་དུ་གནས་སོ།།
89a7 དེ་དག་གི་ནང་ན་གང་ཟས་ཆེས་མང་དུ་ཟ་བ་དེ་ནི། ཁ་དོག་ངན་པར་འགྱུར་རོ།། གང་ཁ་ཟས་ཆེས་ཉུང་ངུ་ཟ་བ་དེ་ནི་ཁ་དོག་བཟང་བར་འགྱུར་རོ།། དེ་ལྟར་ཁ་ཟས་སྣ་ཚོགས་ཀྱི་རྐྱེན་གྱིས་ཁ་དོག་སྣ་ཚོགས
iiif viewer powered by OpenSeadragon
