| e-texts navigator |
| Wylie |
88a1 པ་དེའི་དུས་ཀྱང་ཡོད་ལ། དེའི་སྐབས་ཀྱང་ཡོད་དེ། དེས་རོལ་མཚོ་རྣམས་ཀྱང་གང་བར་བྱེད་ལ། གླིང་རྣམས་ཀྱང་ཆུ་དང་མཉམ་པར་གཞོག་སྟེ། ས་ཆེན་པོ་འདི་ཆུ།
88a2 གཅིག་ཅིང་རྒྱ་མཚོ་ག་ཅིག་ཏུ་འགྱུར་བར་བྱེད་དོ།། ས་ཆེན་པོ་ཆུ་གཅིག་ཅིང་རྒྱ་མཚོ་གཅིག་ཏུ་འགྱུར་བའི་སྟེང་དུ་རླུང་གིས་སྤྲིས་མ་ཀུན་ཏུ་སྡུད་ཅིང་ཀུན་ཏུ་འཐས་པར་བྱེད་དོ།། ལེགས་པར
88a3 གནས་པར་བྱེད་ཅིང་ཀུན་ཏུ་བདལ་ཏེ། དཔེར་ན་འོ་མ་བསྐོལ་ཏེ་གྲངས་པའི་སྟེང་དུ་རླུང་གིས་སྤྲིས་མ་ཀུན་ཏུ་སྡུས་ཤིང་ཀུན་ཏུ་འཐས་པར་བྱེད་དེ། ལེགས་པར་གནས་པར་བྱེད་ཅིང་ཀུན་ཏུ་བདལ་བ
88a4 དེ་བཞིན་དུ། ས་ཆེན་པོ་ཆུ་གཅིག་ཅིང་རྒྱ་མཚོ་གཅིག་ཏུ་གྱུར་པའི་སྟེང་དུ་རླུང་གི་སྤྲིས་མ་ཀུན་ཏུ་སྡུད་ཅིང་ཀུན་ཏུ་འཐས་པར་བྱེད་དེ། ལེགས་པར་གནས་པར་བྱེད་ཅིང་ཀུན་ཏུ་བདལ་ཏེ། དེ་ནི་སའི་བཅུད་ཁ
88a5 དོག་ཕུན་སུམ་ཚོགས་པ་དང་། དྲི་ཕུན་སུམ་ཚོགས་པ་དང་། རོ་ཕུན་སུམ་ཚོགས་པ་ཡིན་ཏེ། ཁ་དོག་ནི་དཔེར་ན་མར་གསར་བཞིན་ནོ།། རོ་ནི་དཔེར་ན་སྦྲང་བུའི་སྦྲང་རྩི་མ་སྐོལ་བ་བཞིན་ནོ།། དེ་ནས་སེམྲ
88a6 ཅན་གཞན་ཚེ་ཟད་ཅིང་ལས་ཟད་ལ། བསོད་ནམས་ཟད་ནས། འོད་གསལ་གྱི་ལྷའི་རིས་ནས་ཤིའི་འཕོས་ཏེ། འཇིག་རྟེན་འདིར་སྐྱེ་བར་འགྱུར་རོ།། དེ་དག་འདིར་གཟུགས་བཟང་བ་དང་། ཡིད་ལས་སྐྱེས་པ་དང་།། །
88a7 མ་ཉམས་པ་དང་། དབང་པོ་ཚང་བ་དང་། ཡན་ལག་དང་ཉིང་ལག་ཐམས་ཅད་དང་ལྡན་པ་དང་། བཟང་བ་དང་། མདོག་སྡུག་པ་དང་། དགའ་བའི་བཟའ་བ་དང་། དགའ་བའི་ཟས་དང་། རང་ལས་འོད་འབྱུང
iiif viewer powered by OpenSeadragon
