| e-texts navigator |
| Wylie |
86b1 ཀུན་ཏུ་འཐུས་པར་བྱས་ནས། གཅིག་ཏུ་འདུས་པར་བྱས་ཏེ། ཐུར་དུ་ཡང་ཟུག་པར་བྱེད་ཅིང་སྟེང་དུ་ཆུ་དང་མཉམ་པར་གཞག་གོ། དེ་ནི་འཛམ་བུ་གླིང་ཞེས་བྱ་བའི་གླིང་ཡིན་ཏེ། དཔག་ཚད་བརྒྱ
86b2 ཁྲི་ནི་ཆུའི་འོག་གསེར་གྱི་ས་གཞི་ཆེན་པོ་ལ་བརྟེན་ཏོ།། སྟེང་ནི་ཆུ་དང་མཉམ་པར་འདུག་སྟེ། དེའི་ངོས་ནང་གི་རིང་པོ་གང་ཡིན་པ་དེ་ནི་དཔག་ཚད་ཉིས་སྟོང་ཡོད་དོ།། ངོས་ནང་གི་ཐུང་ངུ་གང
86b3 ཡིན་པ་དེ་ལ་ནི་དཔག་ཚད་བྱེད་དང་བཞི་ཡོད་ལ། མཐའ་སྐོར་དུ་ཡང་དཔག་ཚད་དྲུག་སྟོང་དང་། དཔག་ཆད་ཕྱེད་དང་བཞི་ཡོད་དེ། དབྱིབས་ལེགས་ཤིང་བལྟ་ན་སྡུག་ལ་མཛེས་པས་ལས་གྲུབ
86b4 པ་ཡིན་ནོ།། ཡུན་རིང་མོ་ཞིག་འདས་ནས་ཆུའི་རྒྱ་མཚོ་ཆེན་པོ་དེའི་སྟེང་རིའི་རྒྱལ་པོ་རི་རབ་ཀྱི་ཤར་ཕྱོགས་ཀྱི་ཕྱི་རོལ་གྱི་མཚོ་ཆེན་པོར་ནང་དུ་བལྟས་ཤིང་། ཕྱི་རོལ་གྱི་རྒྱ་ཆེ་བའི་རླུང་ཁོར་ཁོར་ཡུག
86b5 ནས་ཟླ་གམ་ལྟ་བུར་གྲུབ་ཅིང་ལྡང་བ་དེའི་དུས་ཀྱང་ཡོད་ལ། དེའི་སྐབས་ཀྱང་ཡོད་དེ། དེ་དག་གིས་ཆུ་དེ་དག་ཀུན་སྡུད་ཅིང་ཀུན་ཏུ་འཐས་པར་བྱེད་དོ།། ཀུན་ཏུ་བསྡུས་ཅིང་ཀུན་ཏུ་འཐས་པར་བྱས་ནས
86b6 གཅིག་ཏུ་འདུས་པར་བྱས་ཏེ། ཐུར་དུ་ཡང་ཟུག་པར་བྱེད་ཅིང་སྡེང་ནི་ཆུ་དང་མཉམ་པར་གཞོག་གོ།། དེ་ནི་ཤར་གྱི་ལུས་འཕགས་ཀྱི་གླིང་ཞེས་བྱ་བ་ཡིན་ཏེ། དཔག་ཚད་བརྒྱད་ཁྲི་ནི་ཆུའི་འོག་གསེར་གྱི
86b7 ས་གཞི་ལ་བརྟེན་ཏོ།། སྟེང་གི་ཆུ་དང་མཉམ་པར་འདུག་སྟེ། དེའི་ངོས་ནང་གི་རིང་པོ་གང་ཡིན་པ་དེ་ལ་དཔག་ཚད་ཉིས་སྟོང་ཡོད་དོ།། ངོས་ནང་གི་ཐུང་ངུ་དེ་ལ་ནི་དཔག་ཚད་སུམ་བརྒྱ་ལྔ་བཅུ་ཡོད་ལ་། མཐན
iiif viewer powered by OpenSeadragon
