| e-texts navigator |
| Wylie |
83b1 འཁོར་ཡིན་ཏེ། རྔམས་སུ་དཔག་ཚད་ས་ཡ་གཅིག་དང་། དྲུག་འབུམ་ཡོད་དོ།། རྒྱུར་ནི་གྲངས་མེད་ཚད་མེད་དེ། ཤིན་ཏུ་བརྟན་ཞིང་སྲ་བ་དེ་ལ་ཆེན་པོ་ཆེ་ཆེན་པོ་དང་། རབ་གནོན་དང་སྲེད་མེད་ཀྱི
83b2 བུའི་སྟོབས་ཀྱང་རྡུགས་པར་གྱུར་ལ། རྡོ་རྗེས་ཀྱང་མི་བྱེད་དོ།། ཨུན་རིང་མོ་ཞིག་འདས་ནས་རླུང་གི་དཀྱིལ་འཁོར་དེའི་སྟེང་དུ་ཆུའི་རྒྱུན་ཤིང་རྟའི་སྲོག་ཤིང་ཙམ་གྱི་ཆར་འབབ་པ་དེའི་དུས་ཀྱང
83b3 ཡོད་ལ། དེའི་སྐབས་ཀྱང་ཡོད་དེ། རླུང་གི་དཀྱིལ་འཁོར་གང་ཡིན་པ་དེ་དག་གིས་ཆུ་དེ་དག་ཡོངས་སུ་འཛིན་ཅིང་། ཀུན་ནས་བརྟེན་ལ་མེད་པར་ཡང་མི་བྱེད་ལ། དེ་ནི་ཆུའི་དཀྱིལ་འཁོར་ཞེས་བྱ་སྟེ།
83b4 རྔམས་སུ་དཔག་ཚད་ས་ཡ་གཅིག་དང་། དཔག་ཚད་འབུམ་ཉི་ཁྲི་ཡོད་དོ།། རྒྱར་ནི་དཔག་ཚད་ས་ཡ་གཅིག་དང་། ཉིས་འབུམ་དང་། དཔག་ཚད་བཞི་བརྒྱ་ལྔ་བཅུ་ཡོད་དོ།། མཐའ་སྐོར་དུ་ནི་དཔག་ཚད
83b5 ས་ཡ་ཕྲག་འབུམ་དང་། དྲུག་འབུམ་དང་། དཔག་ཚད་སུམ་བརྒྱ་ལྔ་བཅུ་ཡོད་དོ།། ཡུན་རིང་མོ་ཞིག་འདས་ནས་ཆུའི་དཀྱིལ་འཁོར་དེའི་སྟེང་དུ་རླུང་གི་ལྡང་བ་དེའི་དུས་ཀྱང་ཡོད་ལ། དེའི་སྐབས་ཀྱང
83b6 ཡོད་དེ། དེ་དག་གིས་ཀྱང་ཆུ་དེ་དག་ཀུན་ཏུ་སྡུད་ཅིང་ཀུན་ཏུ་འཐས་པར་བྱེད་དོ།། ཀུན་ཏུ་བསྡུས་ཤིང་ཀུན་ཏུ་འཐས་པར་བྱས་ནས་གཅིག་ཏུ་བསྡུས་ཏེ། ཐུར་དུ་ཟུག་པར་བྱེད་ཅིང་སྟེང་ནི་ཆུ་དང་མཉམ་པར
83b7 གཅོག་སྟེ། དེ་ནི་གསེར་གྱི་ས་གཞི་ཆེན་པོ་ཡིན་ཏེ། རྔམས་སུ་དཔག་ཚད་སུམ་འབུམ་ཉི་ཁྲི་ཡོད་དོ།། རྒྱར་ནི་དཔག་ཚད་ས་ཡ་གཅིག་དང་། ཉིས་འབུམ་དང་། དཔག་ཚད་བཞི་བརྒྱ་ལྔ་བཅུ་ཡོད་དོ།། མཐའ་སྐོར་དུ་ནི
iiif viewer powered by OpenSeadragon
