| e-texts navigator |
| Wylie |
83a1 ཡིན་པ་དེ་དག་ཐམས་ཅད་བསྐམས་པར་འགྱུར་ཞིང་མ་རུང་བར་འགྱུར་ལ་མེད་པར་འགྱུར་ཏེ། དགེ་སློང་དག་དེ་ལྟར་ན་འདུ་བྱེད་ཐམས་ཅད་མི་རྟག་པའོ།། དེ
83a2 ལྟར་ན་མི་བརྟན་པའོ།། དེ་ལྟར་ན་དབུགས་འབྱིན་པ་མ་ཡིན་པའོ།། དེ་ལྟར་ན་འགྱུར་བའི་ཆོས་ཅན་ནོ།། དགེ་སློང་དག་འདུ་བྱེད་ཐམས་ཅད་ཀྱིས་ནི་ཡེ་ཆོག་གོ།། སྐྱོ་བར་བྱས་ན་ལེགས་སོ།།
83a3 མ་ཆགས་པར་བྱས་ན་ལེགས་སོ།། རྣམ་པར་ཐར་པར་བྱས་ན་ལེགས་སོ།། དགེ་སློང་དག་གང་ཡུན་རིང་མོ་ཞིག་འདས་ནས་ཞེས་བྱ་བ་ནས། དེའི་དུས་ཀྱང་ཡོད་ལ། དེའི་སྐབས་ཀྱང་ཡོད་དོ་ཞེས
83a4 བྱ་བའི་བར་དུ་གསུངས་ཏེ། སྔ་མ་བཞིན་དུ་མདོ་ཐམས་ཅད་བརྗོད་པར་བྱའོ།། འཇིག་རྟེན་འདི་ཡང་ཚིག་ལ། ནམ་མཁའ་ལ་ཡང་རླུང་ལྡང་བར་འགྱུར་ཏེ། དེ་ཙམ་གྱིས་ན་འཇིག་རྟེན་འདི་བར་གྱི
83a5 བསྐལ་པ་ཉི་ཤུར་འཇིག་པ་དེར་མཐར་ཐུག་པར་བརྗོད་པར་བྱའོ།། གང་གི་ཚེ་འཇིག་རྟེན་འདི་བར་གྱི་བསྐལ་པ་ཉི་ཤུར་ཞིག་ནས་གནས་པར་འགྱུར་བ་དེ་ཡང་འབྱུང་བར་བརྗོད་པར་བྱའོ།། ཡུན་རིང་མོ
83a6 ཞིག་འདས་ནས། ནམ་མཁའ་ལས་རླུང་འཇམ་པོ་ལྡང་བ་དེའི་དུས་ཀྱང་ཡོད་ལ། དེའི་སྐབས་ཀྱང་ཡོད་དོ།། དེ་ཙམ་གྱིས་ན་འཇིག་རྟེན་གྱི་གནས་འདི་བར་གྱི་བསྐལ་པ་ཉི་ཤུར་ཞིག་ནས་གནས་པ་དེ
83a7 མཐར་ཐུག་པར་བརྗོད་པར་བྱའོ།། གང་གི་ཚེ་འཇིག་རྟེན་འདི་བར་གྱི་བསྐལ་པ་ཉི་ཤུར་ཆགས་པ་དེ་ཡང་བྱུང་བར་བརྗོད་པར་བྱའོ།། རླུང་དེ་དག་ཀྱང་རྒྱས་པར་གྱུར་ཅིང་། སྟུག་པོར་གྱུར་པ་དེ་ནི་རླུང་གི་དཀྱིལ
iiif viewer powered by OpenSeadragon
