| e-texts navigator |
| Wylie |
82a1 ས་ཆེན་པོ་འདི་དང་། རིའི་རྒྱལ་པོ་རི་རབ་བསྲེགས་ཤིང་ཚིག་པའི་དུ་བ་ཡང་མེད་ལ། ཐལ་བའི་ལྷག་མ་ཡང་མེད་དེ། དཔེར་ན་མར་རམ། འབྲུ་མར་ཡང་རུང་སྟེ། ནམ་མཁའ
82a2 ལ་བསྲེགས་ཤིང་ཚིག་པའི་དུ་བ་ཡང་མེད། ཐལ་བའི་ལྷག་མ་ཡང་མེད་པ་དེ་བཞིན་དུ་ས་ཆེན་པོ་འདི་དང་། རིའི་རྒྱལ་པོ་རི་རབ་བསྲེགས་ཤིང་ཚིག་པའི་དུ་བ་ཡང་མེདཐལ་བའི་ལྷག་མ་ཡང
82a3 མེད་དོ།། འདི་སྐད་དུ། དུས་མཐའི་ཚེ་ན་འཚེ་བའི་འཇིག་རྟེན་འདིར།། སྤྲིན་རྣམས་ཆུ་ནི་ཅུང་ཟད་གཏོང་མེ་བྱེད།། ཉི་མ་གཅིག་པུས་རྩཝ་དང་གེལ་བ་དང་།། སྨན་དང་ས་བོན་ཤིང་མང་ཟད་པར་བྱེད།།
82a4 ཉི་མ་གཉིས་པས་ལྟེང་ཀ་ཆུང་ངུའི་ཚོགས།། དེ་བཞིན་ཆུ་ཀླུང་ཆུང་ངུ་བསྐམས་པར་འགྱུར།། ལྟེང་ཀ་ཆེན་པོའི་ཚོགས་དང་ཀླུང་ཆེན་གྱི།། ཆུ་རྣམས་ཉི་མ་གསུམ་པས་མེད་པར་བྱེད།། མི་མ་ཡིན་རྣམས
82a5 མཚོ་ནི་རྒྱ་ཆེ་བ།། མ་དྲོས་ཞེས་བྱ་ཤིན་ཏུ་ཡིད་འོང་ཞིང་།། གཙང་མའི་ཆུ་ཡིས་ཤིན་ཏུ་གང་བ་ནི།། ཉི་མ་བཞི་པ་ཡིས་ནི་བསྐམས་པར་འགྱུར།། རིན་ཆེན་མང་པོས་གང་ཞིག་རབ་འཇིགས་ལ།། སེམས་ཅན
82a6 ཚོགས་ཆེན་གང་གི་གནས་གྱུར་པ།། རྒྱ་མཚོ་དག་ནི་ཉིམ་ལྔ་རྣམས་ཀྱིས།། ཡོངས་སུ་གདུངས་པས་མ་ལུས་བསྐམས་པར་འགྱུར།། ས་དང་གངས་དང་དེ་བཞིན་རི་རབ་དང་།། གསེར་གྱི་རི་དབང་རྒྱ་ཆེན
82a7 བདུན་པོ་རྣམས།། ཉི་མ་དྲུག་པོ་དག་གིས་རབ་གདུངས་པས།། ཀུན་ནས་དུད་པ་ཤིན་ཏུ་འཐོན་པར་བྱེད།། གང་ཚེ་ཉི་མ་བདུན་པ་ཤར་གྱུར་ཅིང་།། འདིར་ནི་འོད་ཟེར་དྲ་བ་རབ་གཏོང་བ།། དེ་ཡི་ཚེ་ན་ས་དང་རི
iiif viewer powered by OpenSeadragon
