| e-texts navigator |
| Wylie |
74b1 དག་གི་བུ་དང་བུ་མོ་བཙས་པ་རྣམས་ཚེ་ལོ་བརྒྱད་ཁྲི་ཐུབ་པར་གྱུར་ཏོ།། ཚེ་ལོ་བརྒྱད་ཁྲི་པའི་མི་རྣམས་འཛམ་བུའི་གླིང་འདི་ཉིད་ན་འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པར་འགྱུར
74b2 ཞིང་སྐྱེ་བོ་དང་མི་མང་པོས་གང་ངོ་།། ཚེ་ལོ་བརྒྱད་ཁྲི་པའི་མི་རྣམས་ཀྱི་གྲོང་དང་། གྲོང་རྡལ་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་རྣམས་ཀྱི་བར་བྱ་གག་འཕུར་བས་སླེབས་པ་ཙམ་དུ
74b3 འགྱུར་རོ།། ཚེ་ལོ་བརྒྱད་ཁྲི་པའི་མི་རྣམས་ཀྱི་བུ་མོ་ནི་བཙས་ནས། ལོ་ལྔ་བརྒྱ་ལོན་ནས་ཁྱིམ་ཐབ་ལ་གཏོང་སྟེ། དཔེར་ན་ད་ལྟར་གྱི་མི་རྣམས་ཀྱི་བུ་མོ་བཅས་ནས་ལོ་བཅོ་ལྔ་འམ། བཅུ་དྲུག་ལ་ལོན
74b4 ནས་ཁྱིམ་ཐབ་ལ་གཏོང་བ་དེ་བཞིན་དུ། ཚེ་ལོ་བརྒྱད་ཁྲི་པའི་མི་རྣམས་ཀྱི་བུ་མོ་བཙས་ནས། ཚེ་ལོ་ལྔ་བརྒྱ་ལོན་ན་ཁྱིམ་ཐབ་ལ་གཏོང་ངོ་།། ལོ་བརྒྱད་ཁྲོ་པའི་མི་རྣམས་ཀྱི་ནད་ནི་རྣམ་པ་གསུམ་ཡོད་དེ
74b5 འདོད་པ་དང་། ཟས་མི་ཟ་བ་དང་། རྒ་བ་རྣམས་ཡིན་ནོ་ཞེས་གསུངས་སོ།། ཚེ་ལོ་བརྒྱད་ཁྲི་པའི་མི་རྣམས་ཀྱི་འབྲུ་རྣམས་ནི་ཆེ་ཞིང་མཆོག་ཏུ་ཆེ་སྟེ། དཔེར་ན་ཨིནྡྲ་བེ་ནུའི་འབྲས་བུ་བཞིན་ཏེ། རྒྱལ་ཞིང
74b6 མཆོག་ཏུ་རྒྱལ་བ་ལ། སྙེ་མ་གཅིག་པུ་ལས་ཀྱང་བྲེ་བོ་བཞི་འབྱུང་ངོ་།། བཅོམ་ལྡན་འདས་ཀྱིས་ཀྱང་མུ་ཁྱུད་བརྟན་ལུང་བསྟན་པ་ལས། འདི་སྐད་དུ། དགེ་སློང་དག་མི་རྣམས་ནི་སྡིག་པ་མི་དགེ་བའི་ཆོས་འདི
74b7 དག་ཉིད་ཡང་དག་པར་འཛིན་པའི་ཕྱིར་ཚེ་ལོ་བཅུ་པར་འགྱུར་རོ།། ཚེ་ལོ་བཅུ་པའི་མི་རྣམས་ཀྱི་ནང་གང་ཡང་ཡུན་རིང་དུ་འཚོ་བ་དེས་ལོ་བཅུ་ཐུབ་སྟེ། སྔ་མ་བཞིན་ནོ།། ཚེ་ལོ་བརྒྱད་ཁྲི་པའི་མི་རྣམས་ནི་འཛམ
iiif viewer powered by OpenSeadragon
