| e-texts navigator |
| Wylie |
73a1 སྤང་བར་བྱའོ་ཞེས་ནས། དེ་དག་ཚིག་བཀྱིལ་པ་སྤོང་ངོ་།། ཚེ་ལོ་སྟོང་ཐུབ་པའི་མི་ཚིག་བཀྱིལ་པ་སྤོང་བ་དེ་དག་གི་བུ་དང་། བུ་མོ་བཙས་པ་རྣམས་ཆེ་ལོ་ཉེས་སྟོང་ཐུབ་པར།
73a2 གྱུར་ཏེ། དེ་དག་ལས་ཁ་ཅིག་ནི་ཆེ་ལོ་ཉེས་སྟོང་ལྔ་བརྒྱ་ཐུབ་པར་གྱུར་ཏོ།། ཚེ་ལོ་ཉེས་སྟོང་ལྔ་བརྒྱ་ཐུབ་པའི་མི་རྣམས་འདི་སྙམ་དུ། ཀྱེ་དགེ་བའི་ཆོས་རྣམས་ཡང་དག་པར་བླངས་པའི་ཕྱིར་ཚེ་ཡང་ནུར
73a3 ལ་ཁ་དོག་དང་། སྟོབས་དང་། བདེ་བ་དང་། ལོངས་སྤྱོད་དག་ཀྱང་འཕེལ་བར་སྣང་གིས། བདག་ཅག་གིས་ཡང་ལྷག་པར་དགེ་བའི་ཆོས་འགའ་ཞིག་ཡང་དག་པར་བླངས་ཏེ་འཁོད་པར་བྱ་ན། བདག
73a4 ཅག་གིས་དགེ་བའི་ཆོས་གང་ཞིག་ཡང་དག་པར་བླངས་ཏེ་འཁོད་པར་བྱ་སྙམ་དུ་སེམས་སོ།། དེ་དག་འདི་སྙམ་དུ། ཀྱེ་བདག་ཅག་ནི་བརྣབ་སེམས་ཅན་ཡིན་གྱིས། བདག་ཅག་གིས་བརྣབ་སེམས་སྤང་བར
73a5 བྱའོ་ཞེས་ནས། དེ་དག་བརྣབ་སེམས་སྤོང་ངོ་།། ཚེ་ལོ་ཉིས་སྟོང་ལྔ་བརྒྱ་པའི་མི་བརྣབ་སེམས་སྤོང་བ་དེ་དག་གི་བུ་དང་བུ་མོ་བཙས་པ་རྣམས་ཚེ་ལོ་ལྔ་སྟོང་ཐུབ་པར་གྱུར་ཏོ།། ཚེ་ལོ་ལྔ་སྟོང་ཐུབ་པའི་མི
73a6 རྣམས་ཀྱང་འདི་སྙམ་དུ། ཀྱེ་དགེ་བའི་ཆོས་རྣམས་ཡང་དག་པར་བླངས་པའི་ཕྱིར་ཚེ་ཡང་ནུར་ལ་ཁ་དོག་དང་། སྟོབས་དང་། བདེ་བ་དང་། ལོངས་སྤྱོད་དག་ཀྱང་འཕེལ་བར་སྣང་གིས། བདག་ཅག་གིས་ཡང་།།
73a7 ལྷག་པར་དགེ་བའི་ཆོས་འགའ་ཞིག་ཡང་དག་པར་བླངས་ཏེ་འཁོད་པར་བྱ་ན། བདག་ཅག་གིས་དགེ་བའི་ཆོས་གང་ཞིག་ཡང་དག་པར་བླངས་ཏེ་འཁོད་པར་བྱ་སྙམ་དུ་སེམས་ཏེ། དེ་དག་ནི་འདི་སྙམ་དུ
iiif viewer powered by OpenSeadragon
