| e-texts navigator |
| Wylie |
71a1 ཏེ། འདི་སྐད་དུ། ཀྱེ་ཀྱེ་མ་སེམས་ཅན་གསོན་པོ་མཐོང་ངོ་།། ཀྱེ་ཀྱེ་མ་སེམས་ཅན་གསོན་པོ་མཐོང་ངོ་ཞེས་ཀྱང་འཛེར་ཏེ། དཔེར་ན་ད་ལྟར་གྱི་མི་རྣམས་ཀྱི་མ་ལ
71a2 བུ་གཅིག་པ་སྡུག་ཅིང་ཡིད་དུ་འོང་བ་ཞིག་ཡོད་ལ། ཟླ་བ་བརྒྱད་དམ་དགུ་ལོན་ཏེ་བྲང་ན་ཤས་ཆེར་བྱམས་པ་དང་། སྡུག་པ་དང་། གུས་པ་དང་། སྙིང་བརྩེ་བའི་སེམས་ཉེ་བར་གནས་ཏེ། འདི་སྐད།
71a3 དུ། ཀྱེ་མབུ་གསོན་པོ་མཐོང་ངོ་།། ཀྱེ་མ་བུ་གསོན་པོ་མཐོང་ངོ་ཞེས་ཟེར་བ་དེ་བཞིན་དུ། སེམས་ཅན་དེ་དག་གཅིག་མཐོང་ན་ཤས་ཆེར་བྱམས་པ་དང་། སྡུག་པ་དང་། གུས་པ་དང་། སྙིང་བརྩེ་བའི།
71a4 སེམས་ཉེ་བར་གནས་པར་འགྱུར་ཏེ། འདི་སྐད་དུ། ཀྱེ་ཀྱེ་མ་སེམས་ཅན་གསོན་པོ་མཐོང་ངོ་།། ཀྱེ་མ་སེམས་ཅན་གསོན་པོ་མཐོང་ངོ་ཞེས་འཛེར་ཏོ།། ། བར་གྱི་སྡོམ་ལ
71a5 རིང་དུ་གང་འཚོ་མ་དང་བུ་མོ་དང་།། གོས་དང་ཟས་དང་ནུབ་པར་འགྱུར་བ་དང་།། རྒྱན་རྣམས་དང་ནི་བཀུར་དང་སྣང་བ་དང་། གཞག་བདུན་གནས་རྣམས་སུ་ནི་མཚོན་ཆ་འབྱུང་།། སེམས་ཅན་དེ་དག་འདི།
71a6 སྙམ་དུ། བདག་ཅག་མཚོན་ཆས་སྲོག་གཅོད་པ་འདིས། གཅིག་ལ་གཅིག་རྣམ་པར་བརླག་པ་ལ་ཞུགས་པས་གཉེན་འདུན་ཟད་པར་གྱུར་ཅིང་། ལོངས་སྤྱོད་ཟད་པ་དང་། ནོར་ཟད་པར་འགྱུར་གྱིས།
71a7 བདག་ཅག་གིས་དགེ་བའི་ཆོས་འགའ་ཞིག་ཡང་དག་པར་བླངས་ཏེ་འཁོད་པར་བྱ་ན། བདག་ཅག་གིས་དགེ་བའི་ཆོས་གང་ཞིག་ཡང་དག་པར་བླངས་ཏེ་འཁོད་པར་བྱ་སྙམ་དུ་སེམས་སོ།། དེ་དག་འདི་སྙམ་དུ
iiif viewer powered by OpenSeadragon
