| e-texts navigator |
| Wylie |
58a1 ལཱ་མ་ཡིན་གྱི་རྒྱལ་སྲིད་ཀྱི་དབང་ཕྱུག་ལ་དབང་བྱེད་དོ།། སུམ་ཅུ་རྩ་གསུམ་པའི་ལྷ་རྣམས་ཀྱི་རྒྱལ་པོའི་ཕོ་བྲང་འཁོར་གྲོང་ཁྱེར་བལྟ་ན་སྡུག་ཇི་ལྟ་བ་དེ་བཞིན་དུ
58a2 ལྷ་མ་ཡིན་རྣམས་ཀྱི་རྒྱལ་པོའི་ཕོ་བྲང་འཁོར་གྱི་ཡང་གྲོང་ཁྱེར་གསེར་ལྡན་ཞེས་བྱའོ།། ལྷའི་དབང་པོ་བརྒྱ་བྱིན་གྱི་ཁང་བཟངས་རྣམ་པར་རྒྱལ་བ་ཇི་ལྟ་བ་དེ་བཞིན་དུ། ལྷ་མ་ཡིན་གྱི་དབང་པོ་ཐགས
58a3 བཟངས་རིས་ཀྱི་ཁང་བཟངས་ཀྱང་གདམས་པ་ཅན་ཞེས་བྱའོ།། སུམ་ཅུ་རྩ་གསུམ་པའི་ལྷ་རྣམས་ཀྱི་ལྷའི་འདུན་ས་ཆོས་བཟངས་ཞེས་བྱ་བ་ཇི་ལྟ་བ་དེ་བཞིན་དུ། ལྷ་མ་ཡིན་རྣམས་ཀྱི་ལྷ་མ་ཡིན་གྱི་འདུན་ས
58a4 ཡང་ནོར་བཟངས་ཞེས་བྱའོ།། སུམ་ཅུ་རྩ་གསུམ་པའི་ལྷ་རྣམས་ཀྱི་སྐྱེད་མོས་ཚལ་བཞི་འདི་ལྷ་སྟེ། ཤིང་རྟ་སྣ་ཚོགས་ཅན་དང་། རྩུབ་འགྱུར་ཚལ་དང་། འདྲེས་པའི་ཚལ་དང་། དགའ་བའི་ཚི་ལ་ཇི་ལྟ་བ་དེ
58a5 བཞིན་དུ། ལྷ་མ་ཡིན་རྣམས་ཀྱི་སྐྱེད་མོས་ཚལ་བཞི་ཡང་འདི་ལྟ་སྟེ། ཀུན་ཏུ་དགའ་བ་དང་། རབ་ཏུ་དགའ་བ་དང་། དགའ་བ་དང་། དགའ་བའི་ཀུན་དགའ་ར་བ་རྣམས་ཡིན་ནོ།། སུམ་ཅུ་རྩ་གསུམ་པའི
58a6 ལྷ་རྣམས་ཀྱི་ས་གཞི་བཟང་པོ་འདི་ལྟ་སྟེ། སྣ་ཚོགས་དང་། རྩུབ་འགྱུར་དང་། འདྲེས་པ་དང་། དགའ་བ་ཇི་ལྟ་བ་དེ་བཞིན་དུ། ལྷ་མ་ཡིན་རྣམས་ཀྱི་ས་གཞི་བཟངས་པོ་བཞི་ཡང་ཀུན་ཏུ་དགའ་བ་མ་དང་།
58a7 རབ་ཏུ་དགའ་བ་དང་། དགའ་མ་དང་། དགའ་མའི་ཀུན་དགའ་ར་བ་མ་རྣམས་སོ།། སུམ་ཅུ་རྩ་གསུམ་པའི་ཤིང་ཡོངས་འདུས་བརྟོལ་ཇི་ལྟ་བ་དེ་བཞིན་དུཀ་ལྷ་མ་ཡིན་རྣམས་ཀྱི་ཤིང་ཡང་ཙི་ཏྲ་པ་ཏ་ལ་ཞེས་བྱའོ།།
iiif viewer powered by OpenSeadragon
