| e-texts navigator |
| Wylie |
47a1 ཤེལ་ལས་བྱས་པ་རྣམ་པ་བཞི་ཀུན་ནས་བསྐོར་ཏེ། དེ་ལ་སྒོ་དང་། ཡ་ཕུབས་དང་། གྷན་ད་དང་། ཡང་ཐོག་གི་རྩེ་བཞི་དང་། ལུན་དང་། ཕྱམ་དགུ་པོ་རེ་རེ
47a2 ལ་ཡང་ཀ་བ་བཅུ་དྲུག་བཅུ་དྲུག་གིས་ཀུན་ནས་བརྟེན་ཏོ།། རྒྱུ་བའི་ལམ་ནི་རིམ་པ་བདུན་ཡོད་དེ། དེའི་དབུས་ན་བཻ་ཌཱུཪྻ་ལས་བྱས་པའི་ཀེ་བ་ཟུར་བརྒྱད་པ་གསལ་ཞིང་འཕན་མེད་ལ། རིགས་དང་ལྡན།
47a3 པ་ཞིག་ཡོད་དེ། སྐྲའི་རྩེ་མོ་ཙམ་གྱིས་ཁང་པ་བརྩེགས་པའི་སྤྱི་བསྡུས་ཀྱི་རྟེན་ལ་མི་རེག་གོ།། དེའི་འོག་ན་ལྷའི་དབང་པོ་བརྒྱ་བྱིན་གྱི་གསེར་གྱི་ཁྲི་བཟང་པོ་དང་། སུམ་ཅུ་རྩ་གསུམ་པའི་ལྷ་ལྷག
47a4 མ་རྣམས་ཀྱི་ཁྲི་བཤམས་པ་ཡོད་དེ། དེར་སུམ་ཅུ་རྩ་གསུམ་པའི་ལྷ་རྣམས་འདུས་ཤིང་འཁོད་ནས་ལྷ་རྣམས་དང་། མི་རྣམས་ཀྱི་དོན་དང་། ཆོས་སེམས་ཤིང་དཔྱོད་དེ། ཡོངས་སུ་རྟོག་པར་བྱེད
47a5 དོལྷའི་གྲོང་ཁྱེར་ན་རྒྱུ་བའི་ལམ་སྲིད་དུ་དཔག་ཚད་བཅུ་གཉིས་ཞེང་དུ་དཔག་ཚད་འདྲུ་གཉིས་ཡོད་པ། དབྱིབས་ལེགས་ཤིང་བལྟ་ན་སྡུག་ལ་མཛེས་པ། གསེར་གྱི་བྱེ་མ་བདལ་ཅིང་ཙན་དན་གྱི་ཆུས
47a6 ཆག་ཆག་བཏབ་པ་ཞིག་ཡོད་དེ། དེའི་གློ་གཡས་གཡོན་ནས་མེ་ཏོག་གི་ཤིང་དང་། འབྲས་བུའི་ཤིང་སྣ་ཚོགས་ཡོད་པ་རྣམས་ལེགས་པར་སྐྱེས་པའི་དབྱིབས་ལེགས་ལ་ཡོངས་སུ་འགྲུབ་པ་སྟེ། མེ་ཏོག
47a7 འཕྲེང་བར་བཀོད་པ་བཞིན་དུ་གྱུར་པ་ནི། དཔེར་ན་མེ་ཏོག་འཕྲེང་རྒྱུད་དམ། མེ་ཏོག་འཕྲེང་རྒྱུད་ཀྱི་སློབ་མ་མཁས་པས་མེ་ཏོག་གི་འཕྲེང་བ་ཐ་གུ་ལ་བརྒྱུས་པ་དང་། མེ་ཏོག་གི་རྣ་རྒྱན་ལེགས་པར་བྱས
iiif viewer powered by OpenSeadragon
