| e-texts navigator |
| Wylie |
383b1 དེ་ལྟ་དེ་ལྟར་བདག་གིས་ལུས་ཀྱི་ལས་དང་། ངག་གི་ལས་དང་། ཡིད་ཀྱི་ལས་རྟག་ཏུ་འཇུག་པར་གྱུར་ཅིག། དུས་ཇི་ལྟ་བ་དང་། ཡུལ་ཇི་ལྟ་བ་དང་སེམས་ཅན་རྣམས།
383b2 ཀྱི་འདུལ་བ་ཇི་ལྟ་བ་དེ་ལྟ་དེ་ལྟར་ཆོས་ཀྱི་དབྱིངས་འཁྲུགས་པ་མེད་པར་སྟོན་པར་གྱུར་ཅིག། འཕགས་པ་འགྲོ་བ་ཐམས་ཅད་ཡོངས་སུ་སྐྱོབ་པར་བྱེད་པ་ཞེས་བྱ་བའི་ཡོངས་སུ་བསྔོ་བ
383b3 རྫོགས་སོ།། ། རྒྱ་གར་གྱི་མཁན་པོ་བི་དྱ་ཀ་ར་པྲ་བྷ་དང་། ལོ་ཙ་བ་བན་དྷེ་ཡེ་ཤེས་སྙིང་པོས་བསྒྱུར། ཞུ་ཆེན་གྱི་ལོ་ཙ་བ་བར་དྷེ་དཔལ་བརྩེགས་ཀྱིས་ཞུས
383b4 ཏེ་གཏན་ལ་ཕབ་པ།། བོད་སྐད་དུ། རྡོ་རྗེ་རྒྱལ་མཚན་གྱི་ཡོངས་སུ་བསྔོ་བ། སངས་རྒྱས་དང་བྱང་ཆུབ་སེམས་དཔའ
383b5 ཐམས་ཅད་ལ་ཕྱག་འཚལ་ལོ།། རྒྱུ་དང་མི་རྒྱུའི་འཇིག་རྟེན་སྨན་སླད་དུ།། བྱུང་དང་འབྱུང་བར་འགྱུར་དང་ད་ལྟར་གྱི།། རང་བྱུང་ཐུབ་དབང་ཐུགས་རྗེ་ལྡན་རྣམས་ལ། བདག་གིས
383b6 བདག་ཀུན་བཏུད་ནས་ཕྱག་འཚལ་ལོ།། ཆགས་དང་ཞེ་སྡང་གཏི་མུག་དབང་གིས་ནི།། བདག་གིས་ལུས་དང་ངག་དང་ཡིད་རྣམས་ཀྱིས།། སྲིད་པ་ཉམ་ངར་སྡིག་པ་ཅི་བསགས་པ།
383b7 སྡིག་པ་དེ་ཀུན་སོ་སོར་བཤགས་པར་བགྱི།། དེ་བཞིན་གཤེགས་ཀྱི་བསོད་ནམས་མཛོད་གང་དང་།། བྱང་ཆུབ་སེམས་དཔའ་ལས་བྱུང་བསོད་ནམས་དང་།། གང་ཡང་ཉན་ཐོས་རྐྱེན་གྱི
iiif viewer powered by OpenSeadragon
