| e-texts navigator |
| Wylie |
363b1 ཆུབ་ཀྱི་སེམས་དང་ལྡན་ནས་ཐར་པ་ཐོབ་པའི་རྒྱུར་གྱུར་ཅིག། དེ་ལྟར་དེང་མར་མེ་འདིའི་ཡོན་བདག་གིས་ཀྱང་། གཏན་པ་མེད་པའི་མཆོད་པ་འདི་ཕུལ་བས། བདག་དང་མཐའ་ཡས་པའི
363b2 སེམས་ཅན་རྣམས་དེ་བཞིན་གཤེགས་པ་མར་མི་མཛད་ཀྱི་ཞབས་དྲུང་དུ་སྐྱེས་ཏེ། མངོན་པར་རྫོགས་པར་སངས་རྒྱས་ནས། སེམས་ཅན་ཐམས་ཅད་ཀྱི་དཔལ་མགོན་དུ་གྱུར་ཅིག། རྒྱལ་པོ
363b3 གསེར་གྱི་ལག་པའི་མར་མེའི་སྨོན་ལམ་གྱི་མདོ་རྫོགས་སོ།། རྒྱ་གར་སྐད་དུ། ཨཱརྱ་བྷ་དྲ་ཙརྱ་པྲ་ནི་དྷ་ན་རཱ་ཛ། བོད་སྐད་དུ། འཕགས་པ་བཟང
363b4 པོ་སྤྱོད་པའི་སྨོན་ལམ་གྱི་རྒྱལ་པོ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།། ཇི་སྙེད་སུ་དག་ཕྱོགས་བཅུའི་འཇིག་རྟེན་ན།། དུས་གསུམ་གཤེགས་པ་མི་ཡི་སེང་གེ་ཀུན།། བདག
363b5 གིས་མ་ལུས་དེ་དག་ཐམས་ཅད་ལ།། ལུས་དང་ངག་ཡིད་དང་བས་ཕྱག་བགྱིའོ།། བཟང་པོར་སྤྱོད་པའི་སྨོན་ལམ་སྟོབས་དག་གིས།། རྒྱལ་བ་ཐམས་ཅད་ཡིད་ཀྱིས་མངོན་སུམ་དུ།། ཞིང་གི
363b6 རྡུལ་སྙེད་ལུས་རབ་བཏུད་པ་ཡིས།། རྒྱལ་བ་ཀུན་ལ་རབ་ཏུ་ཕྱག་འཚལ་ལོ།། རྡུལ་གཅིག་སྟེང་མ་རྡུལ་སྙེད་སངས་རྒྱས་རྣམས།། སངས་རྒྱས་སྲས་ཀྱི་དབུས་ན་བཞུགས་པ་དག། དེ་ལྟར་ཆོས
363b7 དབྱིངས་རྣམས་མ་ལུས་པར།། ཐམས་ཅད་རྒྱལ་བ་དག་གིས་གང་བར་མོས།། དེ་དག་བསྔགས་པ་མི་ཟད་རྒྱ་མཚོ་རྣམས།། དབྱངས་ཀྱི་ཡན་ལག་རྒྱ་མཚོའི་སྒྲ་ཀུན་གྱིས།། རྒྱལ་བ་ཀུན་གྱི་ཡོན་ཏན་རབ
iiif viewer powered by OpenSeadragon
