| e-texts navigator |
| Wylie |
355b1 སྐྱོང་ཞེས་བྱའོ།། གནས་བརྟན་བཅུ་པའི་མཚན་ནི་ལམ་པ་ཞེས་བྱའོ།། གནས་བརྟན་བཅུ་གཅིག་པའི་མཚན་ནི་སྒྲ་ག་ཅན་འཛིན་ཅེས་བྱའོ།། གནས་བརྟན་བཅུ་གཉིས་པའི་མཚན་ནི་ཀླུའི་སྡེ
355b2 ཞེས་བྱའོ།། གནས་བརྟན་བཅུ་གསུམ་པའི་མཚན་ནི་ཟུར་གྱིས་ཤེས་ཞེས་བྱའོ།། གནས་བརྟན་བཅུ་བཞི་པའི་མཚན་ནི་ནགས་ན་གནས་པ་ཞེས་བྱའོ།། གནས་བརྟན་བཅོ་ལྔ་པའི་མཚན
355b3 ནི་མ་འམ་པ་ཞེས་བྱའོ།། གནས་བརྟན་བཅུ་དྲུག་པའི་མཚན་ནི་གཙུག་གི་ལམ་ཞེས་བྱའོ།། གནས་བརྟན་དེ་དག་ནི་རིག་པ་གསུམ་དང་ལྡན་པ། སྡེ་སྣོད་གསུམ་པ། ཁམས་གསུམ་པའི་འདོད་ཆགས་དང
355b4 བྲལ་བ། རྫུ་འཕྲུལ་གྱི་སྟོབས་ཀྱིས་ཚེ་བྱིན་གྱིས་བརླབས་ཏེ་བསྲུངས་ནས། བཅོམ་ལྡན་འདས་ཀྱིས་བཀའ་གནས་པ་ཡིན་ནོ།། སྦྱིན་པ་པོ་དང་། སྦྱིན་བདག་རྣམས་ཀྱི་སྦྱིན་པ་ཡོངས་སུ་དག་པར་བྱེད་དོ།། དེ་སྐད
355b5 ཅེས་སྨྲས་པ་དང་། དགེ་སློང་རྣམས་ཀྱིས། གནས་བརྟན་དགའ་བའི་བཤེས་གཉེན་ལ་འདི་སྐད་ཅེས་སྨྲས་སོ།། གནས་བརྟན་བདག་དྲུག་གིས་གང་ན་བཞུགས་པའང་མི་འཚལ་ལོ།། གནས་བརྟན་གྱིས
355b6 སྨྲས་པ། ཚེ་དང་ལྡན་པ་གནས་བརྟན་དང་པོ་བ་ར་དཱ་ཙ་བསོད་སྙོམས་ལེན་ཞེས་བྱ་བ་ནི། འཁོར་དགྲ་བཅོམ་པ་སྟོང་དང་ལྷན་ཅིག་ཏུ་བསླང་སྤྱོད་ཀྱི་གླིང་ན་གནས་སོ།། གནས་བརྟན་གསེར་བུ་ཞེས
355b7 བྱ་བ་ནི། འཁོར་དགྲ་བཅོམ་པ་ལྔ་སྟོང་དང་ལྷན་ཅིག་བྱང་ཕྱོགས་ཀྱི་ཁ་ཆེའི་ཡུལ་ན་གནས་སོ།། གནས་བརྟན་པ་ར་དཱ་ཙ་ཞེས་བྱ་བ་ནི། འཁོར་འགྲ་བཅོམ་པ་དྲུག་སྟོང་དང་ལྷན་ཅིག
iiif viewer powered by OpenSeadragon
