| e-texts navigator |
| Wylie |
327a1 འདི་རྣམས་ཀྱི་ཆེ་བ་དང་། ཐུགས་རྗེ་དང་། བྱིན་གྱི་རླབས་ཀྱིས་ལི་ཡུལ་གྱི་མཆོད་རྟེན་དང་། དམ་པའི་ཆོས་སྤྱོད་པའང་ཡུལ་གཞན་པས་རྒྱས་ཤིང་ཡུན་རིང་དུ་གནས་སོ།།
327a2 རྒྱལ་པོ་ཕལ་པོ་ཆེ་ལི་ཡུལ་འདོད་པའི་ཕྱིར་རྩོད་ཅིང་འཐབས་ཏེ། གང་གིས་ཐོབ་པའི་རྒྱལ་པོ་དེའང་ལི་ཡུལ་གྱི་ཡོན་བདག་ཆེན་པོར་འགྱུར་ཏེ། མི་བཤིག་མི་འབྲི་བར་བྱེད་ཅིང་མཆོད་པར་འོང་ངོ་།། དེའི
327a3 དུས་ན་གདོང་དམར་གྱི་རྒྱལ་པོ་ཞེས་བྱ་བ་དབང་ཟང་དང་མཐུ་སྐྱེས་ནས། ཡུལ་ཁམས་གཞན་མང་དུ་ཕྲོགས་ནས་བཟུང་ངོ་།། དེའི་ཚེ་ན་བྱང་ཆུབ་སེམས་དཔའ་གཅིག་གདོང་དམར་གྱི་རྒྱལ་པོའི་སྐྱེ་བ
327a4 བླངས་ཏེ། བོད་ཁམས་སུ་དམ་པའི་ཆོས་འབྱུང་ངོ་།། ཡུལ་ཁམས་གཞན་ནས་ཀྱང་ཆོས་ཀྱི་མཁན་པོ་དང་། གསུང་རབ་མདོ་སྡེ་ལ་སོགས་པ་སྤྱན་དྲངས་སོ།། གདོང་དམར་གྱི་ཡུལ་དུ་གཙུག་ལག་ཁང
327a5 དང་མཆོད་རྟེན་མང་དུ་བརྩིགས། དགེ་འདུན་སྡེ་གཉིས་བཙུགས། རྒྱལ་པོ་དང་བློན་པོ་ལ་སོགས་པ་དཀོར་རིལ་གྱིས་དམ་པའི་ཆོས་ལ་སྤྱོད། རྒྱལ་པོ་གདོང་དམར་དེའི་ཚེ། ལི་ཡུལ་ཡང་རྒྱལ་པོ་དེའི
327a6 རིས་སུ་དབང་བར་འགྱུར་རོ།། དམ་པའི་ཆེས་དང་མཆོད་རྟེན་ལ་སོགས་པ་དཀོན་མཆོག་གསུམ་གྱི་མངའ་རིས་མི་བྲི། རྒྱས་པར་བཙུགས་ཤིང་མཆོད་དོ།། རྒྱལ་པོ་གདོང་དམར་གྱི་བརྒྱད་རབས་བདུན་དུ་དམ
327a7 པའི་ཆོས་སྤྱོད་པར་འགྱུར་རོ།། རྒྱལ་པོ་འདི་རབས་བདུན་དུ་ཡུལ་ཁམས་གཞན་ན་དཀོན་མཆོག་གསུམ་གྱི་མཆོད་རྟེན་བཞུགས་པ་ངན་སེམས་དང་གནོད་པ་མི་བྱེད་དོ།། དེའི་ཚེ་ས་ན་ལི་ཡུལ་གྱི་དགེ་འདུན།
iiif viewer powered by OpenSeadragon
