| e-texts navigator |
| Wylie |
326a1 འབྲུམ་དང་། སྦྲང་རྩི་ཐམས་ཅད་ཀྱང་ནུབ་པར་འགྱུར་རོ།། བདུད་དབང་སྒྱུར་ཞེས་བྱ་བའང་འཆི་བར་འགྱུར་ཏེ། དེ་ནས་ནས་དང་། གྲོ་དང་། འབྲས་ཐམས་ཅད་ནུབ་པར
326a2 འགྱུར་ཏེ། འཛམ་བུ་གླིང་གི་མི་རྣམས་ཀྱི་ཟས་སུ་སྲེ་དེ་དང་། ཁྲེ་རྒོད་དང་། རྩའི་འབྲས་བུ་སྣ་ཚོགས་ཟ་བར་འགྱུར་རོ།། དར་དང་། ཟ་འོག་དང་། མེན་དྲི་དང་། རས་བཟང་པོ་ལ་སོགས་པའང་ནུབ་ནས
326a3 གོས་སུ་གསོ་རས་དང་། རེ་ཕྱར་ལ་སོགས་པ་གྱོན་པར་འགྱུར་རོ།། གསེར་ལ་སོགས་པའི་རིན་པོ་ཆེ་སྣ་ཚོགས་ཀྱི་རྒྱན་རྣམས་ཀྱང་ནུབ་ནས། རྒྱན་དུ་རྩ་ལས་བྱས་པ་ཐོགས་པར་འགྱུར་རོ།། ཚོན་བཟང་པོ
326a4 དང་། རོ་ཞིམ་པོ་རྣམས་ཀྱང་ནུབ་པར་འགྱུར་རོ།། དེ་བཞིན་གཤེགས་པའི་སྐུ་གཟུགས་རྣམས་ཀྱང་ཀླུའི་གནས་སུ་ཁྱེར་བར་འགྱུར་རོ།། ལི་ཡུལ་གྱི་མཁན་པོ་རྣམས་འདུས་ནས། ལི་རྗེ་བརྩན་ལེགས
326a5 ཀྱི་རིང་ལ་ཡོས་བུའི་ལོ་ལ་བརྩིས་ནས། དེ་ནས་ལོ་བརྒྱ་རྩ་གཉིས་ན་དམ་པའི་ཆོས་ནུབ་པར་འགྱུར་རོ།། དགེ་འདུན་འཕེལ་གྱིས་ལུང་བསྟན་པ་རྫོགས་སོ།། ། ལི་ཡུལ་བྱུང་ནས་ལིན
326a6 རྒྱལ་པོ་རབས་དྲུག་ནི་འདས་རབས་བདུན་ནི་རྒྱལ་པོ་བི་ཛ་ཡི་ཀརྟི་ཞེས་བྱ་བའི་ཚེ་ན། སད་ཀ་ཡ་པྲ་ཧ་ན་ཡིའི་གཙུག་ལག་ཁང་དང་ཉེ་བའི་ལུང་པ་ས་ཀ་ཡ་གྱི་ར་ཞེས་བྱ་བ་ན། སང་གྷ་བརྡྷ་ན་ཞེས་བྱ་བའི
326a7 དགྲ་བཅོམ་པ་ཞིག་བཞུགས་ཏེ། དེའི་སློབ་མ་བན་དེ་ཞིག་འདུལ་བ་སློབ་པ་ལས། བན་དྷེས་ཙནྡྲ་གརྦྷ་དང་། འདུལ་བའི་དྷརྨ་སངས་རྒྱས་ཀྱི་ལུང་མཐོང་ནས། དགྲ་བཅོམ་པ་ལ་ཞུས་པ། ལི་ཡུལ
iiif viewer powered by OpenSeadragon
