| e-texts navigator |
| Wylie |
31a1 སྲུངས་མ་བག་མེད་ཅིང་བག་མེད་པ་ལ་གནས་པ་ཞིག་ཡིན་ན། དེའི་བག་མེད་པའི་ཆུ་ལས་ཀྱང་འཚེ་བ་རྣམས་ཡོད་དོ།། སྲུངས་མ་གཅིས་ལྡན་ཅིག་འཐུན་པར་གྱུར་པས་ཀྱང་ཟིལ
31a2 ཀྱིས་མནན་ནས་འཚེ་བར་བྱེད་དོ།། མི་རྣམས་ཆོས་མ་ཡིན་པ་ལ་སྤྱོད་ཅིང་མི་རིགས་པ་སྤྱོད་པ་ཡིན་ན། དེ་དག་ནི་དེ་དག་གི་ཆོས་མ་ཡིན་པ་སྤྱོད་པ་དང་། མི་རིགས་པ་སྤྱོད་པ་ལས་ཀྱང་འཚེ་བ་ཡོད་དོ།། སུམ་ཅུ་རྩ་གསུམ
31a3 པའི་ལྷ་རྣམས་ཀྱི་སྲུངས་མ་འདི་ལྟ་སྟེ། ལམ་པོ་ཆེ་དང་། སྲང་དང་། བཞི་མདོ་དང་། སུམ་མདོ་དང་། སྤོས་འཚང་བའི་གནས་རྣམས་དང་། མེ་ཏོག་གི་འཕྲེང་བ་འཚོང་བའི་གནས་རྣམས་དང་། ཟོང་དགྲམ་པའི་གནས་རྣམས
31a4 དང་བཏུང་བ་འཚོང་བའི་གནས་རྣམས་དང་། རྟག་ཏུ་མྱོས་པའི་གནས་རྣམས་དང་། གསོད་བྱེད་ཀྱི་གནས་རྣམས་སུ་བཀོད་པ་དག་ཡོད་དེ། ཟླ་བ་ཕྱེད་ཀྱི་ཚེས་བརྒྱད་ལ་རྒྱལ་པོ་ཆེན་པོ་བཞི་པོ་དེ་དག་གི་གཡོག་ཞོ་ཤས་འཚེ་བ
31a5 རྣམས་ཀྱིས་ལམ་པོ་ཆེ་དང་། སྲང་དང་། བཞི་མདོ་དང་། སུམ་མདོ་དང་། དྲི་འཚོང་བའི་གནས་རྣམས་དང་། མེ་ཏོག་གི་འཕྲེང་བ་འཚེང་བའི་གནས་རྣམས་དང་། ཟོང་དགྲམ་པའི་གནས་རྣམས་དང་།
31a6 བཏུང་བ་འཚོང་བའི་གནས་རྣམས་དང་། རྟག་ཏུ་མྱོས་པའི་གནས་རྣམས་དང་། གསོད་བྱེད་ཀྱི་གནས་རྣམས་ན་སུ་ཞིག་འདུག་ཅེས་འཇིག་རྟེན་འདི་ཐམས་ཅད་བྱུལ་ཏེ། ཅི་སྟེ་དེ་དག་གིས་སྐྱེན་པར
31a7 ན་ནི་དེ་དག་གནས་མཐོན་པོ་ལ་འགོད་དོ།། ཅི་སྟེ་དེ་དག་གིས་སྐྱེན་པར་མ་ཚེར་ན་ནི་དེ་དག་གནས་དམའ་བལ་འགོད་དོ།། ཟླ་བ་ཕྱེད་ཀྱི་ཚེས་བཅུ་བཞི་ལ་ནི། རྒྱལ་པོ་ཆེན་པོ་བཞི་པོ་དེ་དག་གི་བུ་རྣམས་ཀྱིས་ལམ་པོ་ཆེ་དང་།
iiif viewer powered by OpenSeadragon
