| e-texts navigator |
| Wylie |
28a1 འོང་བའི་ཤིང་ངམ། གསེག་མ་འམ། གང་ཅི་ཡང་རུང་བ་དག་ལྷུང་ན། དེ་མི་མ་ཡིན་པ་རྣམས་ཀྱིས་རླུང་གི་མཐུས་ཕྱི་རོལ་དུ་འདོར་རོ།། སཱ་ལའི་རྒྱལ་པོ་རབ་ཏུ
28a2 བརྟན་པའི་ཤར་ཕྱོགས་དཔག་ཚད་ཉི་ཤུ་ན་རྫིང་བུ་དལ་གྱིས་འབབ་ཅེས་བྱ་བ་ཆུར་དཔག་ཚད་ལྔ་བཅུ་ཞེང་དུ་དཔག་ཚད་ལྔ་བཅུ་སྭ། མཐའ་སྐོར་དུ་དཔག་ཚད་ཉིས་བརྒྱ་ཡོད་པ། དབྱིབས
28a3 ལེགས་ཤིས་བལྟ་ན་སྡུག་ལ་མཛེས་པ་ཆུ་བསིལ་ཞིང་། ཆུ་སྦྲང་རྩི་ལྟ་བུས་གང་བ། མེ་ཏོག་ཨུཏྤལ་དང་། པདྨ་དང་། ཀུ་མུ་དྲ་དང་། པདྨ་དཀར་པོས་ཁེབས་པ་ཞིག་ཡོད་དེ། རྫིང་བུ་དལ
28a4 གྱིས་འབབ་ཀྱི་ནང་གི་པདྨའི་ལོ་མ་རྣམས་ཆེ་ཞིང་མཆོག་ཏུ་ཆེ་སྟེ། འདི་ལྷ་སྟེ། བ་ལང་ཡོག་པ་ཙམ་མོ།། པདྨའི་སྡོང་བུ་རྣམས་ཆེ་ཞིང་མཆོག་ཏུ་ཆེ་སྟེ། འདི་ལྷ་སྟེ། གཤོལ་མདའ་ཙམ་མོ།།
28a5 པདྨའི་མེ་ཏོག་རྣམས་ཆེ་ཞིང་མཆོག་ཏུ་ཆེ་སྟེ། འདི་ལྟ་སྟེ། ཤིང་རྟའི་འཕང་ལོ་ཙམ་མོ།། པདྨའི་རྩ་བ་རྣམས་ཆེ་ཞིང་མཆོག་ཏུ་ཆེ་སྟེ། འདི་ལྟ་སྟེ། སྐྱེས་བུ་ཆེན་པོའི་བིརླ་ཙམ་མོ།།
28a6 རོ་མངར་ཞིང་མཆོག་ཏུ་མངར་ཏེ། འདི་ལྷ་སྟེ། སྦྲང་བུའི་སྦྲང་རྩི་མ་སྐོལ་བ་བཞིན་ནོ།། བཅད་ན་ཡང་འོ་མ་འཛག་གོ། རྫིང་བུ་དལ་གྱི་འབབ་ཀྱི་ཁོ་ར་ཁོར་ཡུག་ན། རྫིང་བུ་བརྒྱད་སྟོང་ཡོད་དེ།
28a7 དེ་དག་ཐམས་ཅད་ཀྱང་དབྱིབས་ལེགས་ཤིང་བལྟ་ན་སྡུག་ལ་མཛེས་པ་ཆུ་བསིལ་ཞིང་སྦྲང་རྩི་ལྟ་བུས་གང་ངོ་།། དེ་དག་གི་ནང་གི་པདྨོའི་ལོ་མ་རྣམས་ཀྱང་ཆེ་ཞིང་མཆོག་ཏུ་ཆེ་སྟེ། འདི་ལྷ་སྟེ།
iiif viewer powered by OpenSeadragon
